കണ്ണൂരില്‍ പോറ്റിയേ കേറ്റിയേ പാരഡി ഗാനം വെച്ചത് ചോദ്യം ചെയ്ത സിപിഎം ലോക്കല്‍ സെക്രട്ടറിയെ മര്‍ദിച്ചതായി പരാതി. കണ്ണൂര്‍ മുല്ലക്കൊടി സ്വദേശി മനോഹരനാണ് മര്‍ദനമേറ്റത്. ഒരു റേഷന്‍ കടയില്‍വെച്ച് ഭാസ്‌കരന്‍ എന്നയാള്‍ 'പോറ്റിയേ കേറ്റിയേ' എന്ന പാട്ട് വെച്ചു. ഇത് കേട്ട മനോഹരന്‍ പൊതുയിടത്ത് രാഷ്ട്രീയ ഗാനങ്ങള്‍ പാടില്ലെന്ന് പറഞ്ഞ് ഭാസ്‌കരനെ ചോദ്യം ചെയ്തു.

എന്നാല്‍ പാട്ട് നിര്‍ത്താന്‍ തയ്യാറാകാത്ത ഭാസ്‌കരന്‍ കുറച്ചുകൂടി ഉച്ചത്തില്‍ പാട്ട് വെച്ചു. ഇതിനെയും മനോഹരന്‍ ചോദ്യം ചെയ്തതോടെ പ്രകോപിതനായ ഭാസ്‌കരന്‍ മര്‍ദ്ദനം ആരംഭിക്കുകയായിരുന്നു. ഇരുവരും തമ്മില്‍ കയ്യാങ്കളിയുണ്ടാകുകയും ഭാസ്‌കരന്‍ മനോഹരന്‍ കഴുത്തിന് പിടിച്ച് മര്‍ദിച്ചു എന്നാണ് പരാതി. സംഭവത്തില്‍ ഭാസ്‌കരനെതിരെ മയ്യില്‍ പൊലീസ് കേസെടുത്തു.