പ്ലാസ്റ്റിക് മാലിന്യത്തില് നിന്നും കിട്ടിയ സ്വര്ണാഭരണം ഉടമയെ തേടിപ്പിടിച്ച് ഏല്പ്പിച്ച് ഹരിതകര്മ സേനാംഗം ബിന്ദു
മാന്നാറില് വീടുകളില് നിന്നും പ്ലാസ്റ്റിക് മാലിന്യങ്ങള് ശേഖരിച്ച് തരംതിരിക്കുന്നതിനിടെ ലഭിച്ച ഒരു പവന്റെ സ്വര്ണ കൈചെയിന് ഉടമയ്ക്ക് തിരികെ നല്കി ഹരിത കര്മസേനാ അംഗം മാതൃകയായി. ബുധനൂര് പഞ്ചായത്ത് പതിനഞ്ചാം വാര്ഡിലെ ഹരിതകര്മ സേനാംഗം ബിന്ദു രമണനാണ് പ്ലാസ്റ്റിക് തരംതിരിക്കുന്നതിനിടെ സ്വര്ണാഭരണം ലഭിച്ചത്. തോപ്പില് ചന്തയ്ക്കു സമീപമുള്ള എം സി എഫില് വെച്ചായിരുന്നു സംഭവം. ചെയിന് ലഭിച്ച ഉടന് തന്നെ ബിന്ദു പഞ്ചായത്ത് സെക്രട്ടറി ടി ജെ ജോണ്സനെ ഏല്പ്പിച്ചു.
തുടര്ന്നു നടത്തിയ അന്വേഷണത്തില് ചാമക്കുറ്റിയില് പ്രസീദ അനില് കുമാറിന്റേതാണ് സ്വര്ണ ചെയിന് എന്ന് കണ്ടെത്തി. ഉടമയെ പഞ്ചായത്തില് വിളിച്ചു വരുത്തി സെക്രട്ടറി സ്വര്ണ ചെയിന് കൈമാറി. ചടങ്ങില് പഞ്ചായത്ത് വൈസ് പ്രസിഡന്റ് ശ്രീജ കുമാര്, സുജി സുന്ദരേശന്, പ്രീത ആര് നായര്, കോര്ഡിനേറ്റര് ആര്യാ മുരളി, സജുദേവ്, റോമിയോ, ഹരിത കര്മ സേനാംഗങ്ങളായ എസ് ആശ, സി രമ എന്നിവര് പങ്കെടുത്തു.
https://www.facebook.com/Malayalivartha
