നീലഗിരി ഊട്ടിയിൽ മിനി ബസ് മറിഞ്ഞുണ്ടായ അപകടത്തിൽ ഡ്രൈവർക്കെതിരെ കേസെടുത്തു. ബുധനാഴ്ച നീലഗിരിയിലെ മണിഹട്ടിക്ക് സമീപം സഞ്ചരിച്ചിരുന്ന സ്വകാര്യ ബസ് 100 അടി താഴ്ചയിലേക്ക് മറിഞ്ഞാണ് അപകടം സംഭവിച്ചത്. മുപ്പതിലധികം പേർക്ക് പരിക്കേൽക്കുകയും ചെയ്തു. മൂന്ന് പേരുടെ നില ​ഗുരുതരമാണ്.

ഉദഗമണ്ഡലത്തിൽ നിന്ന് തങ്കാടിലേക്ക് പോവുകയായിരുന്ന മിനി ബസാണ് അപകടത്തിൽപ്പെട്ടത്. 12 സ്ത്രീകളും 17 പുരുഷന്മാരും മൂന്ന് കുട്ടികളും ഉൾപ്പെടെ 32 യാത്രക്കാർ ബസിലുണ്ടായിരുന്നതായി പൊലീസ് . ബസ് റോഡിൽ നിന്ന് മറിഞ്ഞ് മണിഹട്ടിക്ക് സമീപമുള്ള ഒരു സ്വകാര്യ കൃഷിയിടത്തിൽ തലകീഴായി മറിയുകയായിരുന്നു.
ഇന്നലെ രാത്രിയോടെയാണ് അപകടം. പരിക്കേറ്റവരെ നാട്ടുകാരും പൊലീസും ചേർന്ന് ഉടൻ തന്നെ സമീപത്തുള്ള ആശുപത്രിയിലേക്ക് മാറ്റി.