ചരിത്രം കുറിച്ച് കെഎസ്ആർടിസി.... ആദ്യമായി ഡിജിറ്റൽ ക്ലോക്ക് റൂം സംവിധാനം നടപ്പിലാക്കി

ആദ്യമായി ഡിജിറ്റൽ ക്ലോക്ക് റൂം സംവിധാനം... ഇന്ത്യയിലെ റോഡ് ട്രാൻസ്‌പോർട്ട് കോർപ്പറേഷനുകളിൽ ആദ്യമായി ഡിജിറ്റൽ ക്ലോക്ക് റൂം സംവിധാനം നടപ്പിലാക്കി ചരിത്രം കുറിച്ച് കെഎസ്ആർടിസി.

യാത്രക്കാരുടെ ലഗേജുകൾ സുരക്ഷിതമായും സുതാര്യമായും സൂക്ഷിക്കുന്നതിനായി തയ്യാറാക്കിയ ഈ നൂതന സംവിധാനത്തിന്റെ ഉദ്ഘാടനം തിരുവനന്തപുരം സെൻട്രൽ ഡിപ്പോയിൽ ഗതാഗത മന്ത്രി കെ ബി ഗണേഷ് കുമാർ നിർവ്വഹിച്ചു.

ആദ്യഘട്ടത്തിൽ തിരുവനന്തപുരം സെൻട്രൽ, കൊല്ലം, ആലപ്പുഴ, കോട്ടയം, മൂന്നാർ, എറണാകുളം, ആലുവ, അങ്കമാലി, കോഴിക്കോട് എന്നീ ഒൻപത് പ്രധാന സ്റ്റേഷനുകളിലാണ് ഈ സേവനം ലഭ്യമാകുക. ഇതോടൊപ്പം തിരുവനന്തപുരത്ത് ജീവനക്കാർക്കായി സജ്ജീകരിച്ച ശീതീകരിച്ച വിശ്രമകേന്ദ്രവും മന്ത്രി നാടിന് സമർപ്പിച്ചു. പൂർണ്ണമായും ഡിജിറ്റൽ പ്ലാറ്റ്‌ഫോമിൽ പ്രവർത്തിക്കുന്ന ഈ സംവിധാനം പഴയകാല മാനുവൽ രേഖപ്പെടുത്തലുകൾക്ക് പകരമായി ക്യൂആർ കോഡ് അല്ലെങ്കിൽ ഡിജിറ്റൽ ടോക്കൺ ഉപയോഗിച്ചാണ് ലഗേജുകൾ സ്വീകരിക്കുന്നത്.

ഇത് സാധനങ്ങൾ മാറിപ്പോകാനോ നഷ്ടപ്പെടാനോ ഉള്ള സാധ്യതകൾ ഒഴിവാക്കി കൃത്യമായ ട്രാക്കിംഗ് ഉറപ്പാക്കുന്നു. സിസിടിവി നിരീക്ഷണം ഉൾപ്പെടെയുള്ള കർശന സുരക്ഷാ മാനദണ്ഡങ്ങളോടെയാണ് സംവിധാനം പ്രവർത്തിക്കുന്നത്. ഈ ക്ലോക്ക് റൂമുകൾ വരും ദിവസങ്ങളിൽ സംസ്ഥാനത്തെ മറ്റ് ഡിപ്പോകളിലേക്കും വ്യാപിപ്പിക്കുമെന്ന് കെഎസ്ആർടിസി സിഎംഡി .