രാഹുൽ മാങ്കൂട്ടത്തിലിന്റെ അറസ്റ്റിലേക്ക് നയിച്ച കേസിലെ പരാതിക്കാരിയും രാഹുലും തമ്മിലുള്ള ചാറ്റ് പുറത്ത്. പാലക്കാട് ഫ്‌ളാറ്റ് വാങ്ങുന്നതുമായി ബന്ധപ്പെട്ട് ഇരുവരും തമ്മിൽ നടത്തിയ ചാറ്റാണ് പുറത്തായത്. ഫ്‌ളാറ്റ് വാങ്ങുന്നതിനായി യുവതിയെ നിർബന്ധിക്കുന്നുണ്ട് രാഹുൽ. പാലക്കാട് ഫ്ലാറ്റ് വാങ്ങുന്നതിനായി ബന്ധപ്പെട്ട ചാറ്റാണ് പുറത്തുവന്നിട്ടുള്ളത്.

3BHK വേണോ, 2BHK പോരെയെന്ന് യുവതി ചോദിക്കുമ്പോൾ വാങ്ങുമ്പോൾ 3BHK തന്നെ വേണം അതാകുമ്പോൾ നല്ല സ്‌പേസ് ഉണ്ടാകുമെന്നും എന്നാണ് രാഹുൽ പറയുന്നത്. പാലക്കാട് ഒരുമിച്ച് ജീവിക്കാമെന്ന് വാഗ്ദാനം ചെയ്താണ് ഫ്‌ളാറ്റ് വാങ്ങാൻ വേണ്ടി രാഹുൽ മാങ്കൂട്ടത്തിൽ യുവതിയെ നിർബന്ധിക്കുന്നത്.

ഒരു കോടി രൂപ വില വരുന്നതായിരുന്നു ഫ്‌ളാറ്റ്. അത്രയും പണമില്ലാത്തതിനാൽ ഫ്‌ളാറ്റ് വാങ്ങുന്നതിൽ നിന്ന് യുവതി പിന്മാറുകയായിരുന്നു. യുവതി പൊലീസിന് നൽകിയ മൊഴിയിലും ഫ്‌ളാറ്റ് സംബന്ധിച്ച വിവരങ്ങളുണ്ടായിരുന്നു.