സംസ്ഥാനത്ത് കഴിഞ്ഞ 24 മണിക്കൂറിനിടെ ഏറ്റവും ഉയര്ന്ന അള്ട്രാവയലറ്റ് സൂചിക രേഖപ്പെടുത്തിയത് നാലിടത്ത്... ജാഗ്രതയുടെ ഭാഗമായി ഈ പ്രദേശങ്ങളില് ഓറഞ്ച് അലര്ട്ട് പ്രഖ്യാപിച്ച് കേന്ദ്ര കാലാവസ്ഥ വകുപ്പ്
സംസ്ഥാനത്ത് കഴിഞ്ഞ 24 മണിക്കൂറിനിടെ നാലിടത്ത് ഏറ്റവും ഉയര്ന്ന അള്ട്രാവയലറ്റ് സൂചിക രേഖപ്പെടുത്തി. കൊട്ടാരക്കര, കോന്നി, ചങ്ങനാശേരി, മൂന്നാര് എന്നിവിടങ്ങളിലാണ് ഉയര്ന്ന അള്ട്രാ വയലറ്റ് സൂചിക രേഖപ്പെടുത്തിയത്.
ഈ പ്രദേശങ്ങളില് അള്ട്രാ വയലറ്റ് സൂചിക എട്ടാണ് രേഖപ്പെടുത്തിയിട്ടുള്ളത്. ജാഗ്രതയുടെ ഭാഗമായി ഈ പ്രദേശങ്ങളില് കേന്ദ്ര കാലാവസ്ഥ വകുപ്പ് ഓറഞ്ച് അലര്ട്ട് പ്രഖ്യാപിച്ചു. അള്ട്രാ വയലറ്റ് സൂചിക അനുസരിച്ച് എട്ടു മുതല് പത്തുവരെയാണ് ഓറഞ്ച് അലര്ട്ടിന്റെ പരിധിയില് വരുന്നത്.
ചെങ്ങന്നൂര്, കളമശേരി, ഒല്ലൂര്, തൃത്താല, പൊന്നാനി, ബേപ്പൂര്, മാനന്തവാടി എന്നിവിടങ്ങളിലും ജാഗ്രത ആവശ്യമാണ്. ഈ പ്രദേശങ്ങളിലും ഉയര്ന്ന അള്ട്രാ വയലറ്റ് സൂചിക രേഖപ്പെടുത്തി. ആറു മുതല് ഏഴു വരെ രേഖപ്പെടുത്തിയതിനാല് ജാഗ്രതയുടെ ഭാഗമായി ഈ പ്രദേശങ്ങളില് യെല്ലോ അലര്ട്ട് പ്രഖ്യാപിച്ചിരിക്കുകയാണ്.
തുടര്ച്ചയായി കൂടുതല് സമയം അള്ട്രാവയലറ്റ് രശ്മികള് ശരീരത്തില് ഏല്ക്കുന്നത് സൂര്യാതപത്തിനും ത്വക്ക് രോഗങ്ങള്ക്കും നേത്രരോഗങ്ങള്ക്കും മറ്റ് ആരോഗ്യ പ്രശ്നങ്ങള്ക്കും കാരണമായേക്കാം. പൊതുജനങ്ങള് സുരക്ഷാമുന്കരുതലുകള് സ്വീകരിക്കണമെന്ന് സംസ്ഥാന ദുരന്ത നിവാരണ അതോറിറ്റിയുടെ മുന്നറിയിപ്പുണ്ട്.
"
https://www.facebook.com/Malayalivartha
