ഇത്തവണത്തെ സിവിൽ സർവീസ് ഫലം വന്നതോടെ കേരളം ഒന്നടങ്കം ആവേശത്തിലാണ്. എന്നാൽ ഈ അവസരം കൃത്യമായി ഉപയോഗിച്ച് ഒരു 'വ്യാജ വിജയ'ത്തിന്റെ മുഖംമൂടി വലിച്ചുകീറുകയാണ് ശ്രീനാദേവി കുഞ്ഞമ്മ. സിവിൽ സർവീസ് പാസായി എന്ന് അവകാശപ്പെട്ട് കോളേജ് മാനേജ്‌മെന്റുകളെയും നാട്ടുകാരെയും വിഡ്ഢികളാക്കി ഷഹനാസ് നടത്തിയ ആഘോഷങ്ങൾ വെറും തട്ടിപ്പാണെന്നാണ് ശ്രീനാദേവിയുടെ ആരോപണം.

"വ്യാജ അനുമോദന ചടങ്ങുകൾ നടത്തി വഞ്ചിതരാക്കപ്പെട്ടിട്ടില്ല എന്ന് കോളേജ് മാനേജ്‌മെന്റുകൾ ഉറപ്പാക്കുക" എന്ന ശ്രീനാദേവിയുടെ ഫേസ്ബുക്ക് പോസ്റ്റ് ഷഹനാസിനുള്ള കൃത്യമായ കൊട്ടാണ്. ഇല്ലാത്ത റാങ്ക് ഉണ്ടെന്ന് വരുത്തിത്തീർത്ത് സ്വീകരണങ്ങൾ വാങ്ങിക്കൂട്ടിയ ഷഹനാസിനെതിരെ ശക്തമായ അന്വേഷണം വേണമെന്ന ആവശ്യവുമായി ശ്രീനാദേവി കേന്ദ്ര-സംസ്ഥാന ഏജൻസികളെ സമീപിച്ചിരുന്നു...