ഈ തോന്നിവാസം ഇങ്ങോട്ട് വേണ്ട പേടിപ്പിക്കാൻ വന്ന സഖാക്കന്മാരെ വലിച്ച് കീറി ഉപ്പുതേച്ച് വിട്ട് VVR മേയർ അറിഞ്ഞിട്ട് മതി
മാനവീയം വീഥിയില്‍ പരിപാടി നടത്താന്‍ തിരുവനന്തപുരം കോര്‍പ്പറേഷന്‍ അനുമതി നിഷേധിച്ചത് കടലാസ് സംഘടനയ്ക്കാണെന്ന് മേയര്‍ വി.വി. രാജേഷ്. 'മാനവീയം രജത ജൂബിലി സാംസ്‌കാരിക സമിതി' എന്ന പേരിലുള്ള സംഘടനയാണ് പരിപാടി നടത്താന്‍ അനുമതി തേടി കത്ത് നല്‍കിയത്. എന്നാല്‍ പരിശോധനയില്‍ ഇത്തരമൊരു സംഘടനയെക്കുറിച്ചുള്ള ഔദ്യോഗിക വിവരങ്ങളൊന്നും ലഭിച്ചില്ല. മാനവീയം വീഥി പൊതുസ്ഥലമാണ്. പൊതുമരാമത്ത് വകുപ്പിനും കോര്‍പ്പറേഷനും നിയന്ത്രണാധികാരമുള്ള സ്ഥലമാണിത്. അത്തരമൊരു സ്ഥലത്തിന്റെ പേരില്‍ സാംസ്‌കാരിക സമിതി രൂപീകരിക്കുമ്പോള്‍ സര്‍ക്കാരിന്റെ അറിവും അംഗീകാരവും വേണം. എന്നാല്‍ സംഘടന രൂപീകരിച്ചതുമായി ബന്ധപ്പെട്ട് സര്‍ക്കാരിന്റെ ഉത്തരവുകളൊന്നും കണ്ടെത്താനായില്ല. കോര്‍പ്പറേഷനും ഇക്കാര്യം അറിയില്ല. കൗണ്‍സില്‍ രേഖകളിലും സമിതി രൂപീകരണത്തെക്കുറിച്ച് പരാമര്‍ശമില്ല. ഈ സാഹചര്യത്തിലാണ് അനുമതി നിഷേധിച്ചത്. പുഷ്പവതിയുടെ പാട്ടിനല്ല അനുമതി നിഷേധിച്ചതെന്നും മേയര്‍ വി.വി. രാജേഷ് മറുനാടന്‍ മലയാളിയോട് പറഞ്ഞു.
മാനവീയം രജത ജൂബിലി സാംസ്‌കാരിക സമിതിയെന്ന പേരില്‍ 25 പേര്‍ വന്ന് കത്ത് നല്‍കിയാല്‍ അനുമതി നല്‍കാനാകില്ല. വേണമെങ്കില്‍ അത്തരമൊരു സമിതി ഔദ്യോഗികമായി രൂപീകരിക്കാം. മേയര്‍ക്ക് അതിന്റെ ചെയര്‍മാനാകാം. അല്ലെങ്കില്‍ ഡെപ്യൂട്ടി മേയറെ ചുമതലപ്പെടുത്താം. അതിനുശേഷം എല്ലാവര്‍ക്കും ഒരുമിച്ചിരുന്ന് പുഷ്പവതിയുടെ പാട്ട് കേള്‍ക്കാം. അല്ലാതെ ആര്‍ക്കെങ്കിലും ഏതെങ്കിലും സമിതിയുടെ പേരില്‍ പരിപാടി നടത്താന്‍ മാനവീയം വീഥി വിട്ടുകൊടുക്കാനാകില്ലെന്നും മേയര്‍ പറഞ്ഞു. നാളെ മറ്റൊരു സംഘം വന്ന് തങ്ങളാണ് മാനവീയം രജത ജൂബിലി സാംസ്‌കാരിക സമിതിയെന്ന് അവകാശപ്പെട്ടാല്‍ കോര്‍പ്പറേഷന്‍ എന്തു ചെയ്യുമെന്നും അദ്ദേഹം ചോദിച്ചു. ഇത്തരം വിവാദങ്ങള്‍ ഉണ്ടാകാനുള്ള സാധ്യത മുന്നില്‍ക്കണ്ടാണ് അനുമതി നിഷേധിച്ചത്. മാത്രമല്ല, പുഷ്പവതിയുടെ പരിപാടിയാണ് നടത്തുന്നതെന്ന് അപേക്ഷയില്‍ പറഞ്ഞിട്ടുപോലുമില്ല. പിന്നെ എങ്ങനെയാണ് പുഷ്പവതിയുടെ പാട്ടിന് കോര്‍പ്പറേഷന്‍ നിരോധനം ഏര്‍പ്പെടുത്തിയെന്ന് പറയാനാകുകയെന്നും മേയര്‍ ചോദിച്ചു.
https://www.facebook.com/Malayalivartha
