മന്ത്രിസ്ഥാനം രാജിവെക്കാന് ഉദ്ദേശമില്ലെന്ന് മന്ത്രി ഗണേഷ് കുമാര്
ചിലര് തന്റെ ചോര കുടിക്കാന് കാത്തിരിക്കുകയാണെന്നും മന്ത്രിസ്ഥാനം രാജിവെക്കാന് ഉദ്ദേശമില്ലെന്നും ഗതാഗതമന്ത്രി കെ.ബി.ഗണേഷ് കുമാര്. ഇന്ന് തിരുവനന്തപുരത്തു കെ.എസ്.ആര്.ടി.സിയുടെ ഒരു പരിപാടിയില് സംസാരിക്കവെയാണ് അദ്ദേഹം ഇങ്ങനെ പറഞ്ഞത്. ഇത് പരിപാടിയുടെ വിടവാങ്ങല് പ്രസംഗമായി കണക്കാക്കാമെന്നും അദ്ദേഹം പറഞ്ഞു.
കോണ്ഗ്രസ് അധികാരത്തിലെത്തിയാല് സംസ്ഥാനത്ത് സ്ത്രീകള്ക്ക് കെഎസ്ആര്ടിസിയില് സൗജന്യയാത്ര അനുവദിക്കുമെന്ന് പ്രഖ്യാപിച്ചത് കെഎസ്ആര്ടിസിയെ നശിപ്പിക്കാനാണെന്നും താന് മന്ത്രിസ്ഥാനം വിട്ടുപോയാലും ജീവനക്കാരെല്ലാവരും കെഎസ്ആര്ടിസിയെ മുന്നോട്ടു കൊണ്ടുപോകണമെന്നും ഗണേഷ് കുമാര് പറഞ്ഞു.
കെഎസ്ആര്ടിസിയ്ക്ക് സ്ഥിരം സിഎംഡിയായി പ്രമോദ് ശങ്കറെ നിയമിച്ചതായും ഗണേഷ് കുമാര് അറിയിച്ചു. ജീവനക്കാരുടെ ഡിഎയുടെ കാര്യം മുഖ്യമന്ത്രിയുമായും ധനകാര്യമന്ത്രിയുമായും സംസാരിച്ചതായും മന്ത്രി കൂട്ടിച്ചേര്ത്തു. കൂടാതെ തന്നോടൊപ്പം നിന്ന എല്ലാവര്ക്കും അദ്ദേഹം നന്ദി അറിയിക്കുകയും ചെയ്തു.
https://www.facebook.com/Malayalivartha
