ജീത്തു ജോസഫ് – മോഹന്‍ലാല്‍ കൂട്ടുകെട്ടിന്റെ ദൃശ്യം 3 റിലീസിനൊരുങ്ങുകയാണ്. ചിത്രത്തിന്റെ ടീസര്‍ പുറത്തുവന്നിരിക്കുകയാണിപ്പോള്‍. ടീസര്‍ കൂടി വന്നതോട് ചിത്രത്തിലുള്ള ആരാധകരുടെ പ്രതീക്ഷയും വാനോളമുയരുകയാണ്.

ഒരു മിനിറ്റും അന്‍പത് സെക്കന്‍ഡും ദൈര്‍ഘ്യമുള്ള ടീസറാണ് പുറത്തുവന്നിരിക്കുന്നത്. ചിത്രത്തിന്റെ ആദ്യ രണ്ടു ഭാഗങ്ങളിലെ രംഗങ്ങളടക്കം ഉള്‍പ്പെടുത്തിക്കൊണ്ടുള്ള ടീസറില്‍, ജോര്‍ജുകുട്ടിയുടെ പോരാട്ടം ഇനിയും തുടരുമെന്ന സൂചനയാണ് നല്‍കുന്നത്.

പ്രധാന കഥാപാത്രങ്ങളെയെല്ലാം തന്നെ ടീസറില്‍ കാണിച്ചു പോകുന്നുണ്ട്. മോഹന്‍ലാലിന്റെ ജന്മദിനത്തോടനുബന്ധിച്ച് മേയ് 21 നാണ് ദൃശ്യം വേള്‍ഡ് വൈഡ് റിലീസായി തിയറ്ററുകളിലെത്തുക.

മോഹന്‍ലാലിനൊപ്പം മീന, എസ്തര്‍ അനില്‍, അന്‍സിബ, സിദ്ദിഖ്, ആശ ശരത് എന്നിവര്‍ ദൃശ്യം 3 യിലും പ്രധാന വേഷങ്ങളിലെത്തുന്നുണ്ട്. 2013 ലാണ് ദൃശ്യത്തിന്റെ ആദ്യ ഭാഗം പുറത്തിറങ്ങിയത്.