പ്രതിപക്ഷ നേതാവ് വിഡി സതീശന്റെ കണക്ക് തെറ്റാതെ യുഡിഎഫ് 100 സീറ്റിന്റെ ലീഡിലേക്ക്. വോട്ടെണ്ണൽ തുടങ്ങി മണിക്കൂറുകൾ പിന്നിടുമ്പോൾ എൽഡിഎഫ് തകർന്നടിയുന്ന കാഴ്ചയാണ് കാണുന്നത്.

മുഖ്യമന്ത്രി പിണറായി വിജയൻ വരെ ആദ്യ റൗണ്ടിൽ പിന്നിലോട്ട് പോയി. എംബി രാജേഷ്, വീണാ ജോർജ്, പി രാജീവ് അടക്കമുള്ള മന്ത്രിമാരും പിന്നിലാണ്. എൽഡിഎഫ് കോട്ടകളിൽ യുഡിഎഫ് മുന്നേറുന്ന കാഴ്ചയാണ് ആദ്യ റൗണ്ടുകളിൽ കണ്ടത്.
പറവൂരിൽ വിഡി സതീശനും വട്ടിയൂർക്കാവിൽ കെ മുരളീധരനും പിന്നിൽ. ധർമ്മടത്ത് യുഡിഎഫ് ലീഡ് ഉയർത്തുന്നു. 2500 വോട്ടുകൾക്കാണ് പിണറായി പിന്നിൽ. രണ്ടാം റൗണ്ടിലും പിണറായി പിന്നിലാകുന്ന കാഴ്ചയാണ് ആദ്യ മണിക്കൂറുകളിൽ.
കൊട്ടാരക്കരയിൽ കെഎൻ ബാലഗോപാൽ മുന്നിൽ . നേമത്ത് 1302 വോട്ടിന് രാജീവ് ചന്ദ്രശേഖർ ലീഡ് ചെയ്യുന്നു. റോഷി അഗസ്റ്റിൻ ഇടുക്കിയിൽ പിന്നിൽ. അമ്പലപ്പുഴയിൽ എച്ച് സലാം ലീഡ് ചെയ്യുന്നു. പേരാവൂരിൽ കെകെ ശൈലജ മുന്നിൽ. മലമ്പുഴയിൽ എ പ്രഭാകരൻ മുന്നിൽ.