തിരുവനന്തപുരം നഗരത്തെ നടുക്കി കവടിയാറിൽ കാറപകടം. അമിതവേഗതയിലെത്തിയ കാർ നിയന്ത്രണം വിട്ട് നടപ്പാതയിലേക്ക് പാഞ്ഞുകയറി യുവതി മരിച്ചു. പാലക്കാട് സ്വദേശിനി നൗഷികയാണ് മരിച്ചത്. കൂടെയുണ്ടായിരുന്ന ഭർത്താവ് ആഷിക്കിനെ പരിക്കുകളോടെ ആശുപത്രിയിൽ പ്രവേശിപ്പിച്ചു.

നിരവധിപേർക്ക് പരിക്കേറ്റു. കാറിന്റെ അമിതവേ​ഗതയാണ് അപകടത്തിന് കാരണമെന്ന് നാട്ടുകാർ സാക്ഷ്യപ്പെടുത്തുന്നു. നൗഷിക, ഭർത്താവ് ആഷിക്, അലി അക്ബർ എന്നിവർ കാൽനാടയാത്രക്കാരായിരുന്നു. നിതീഷിന്റെ കാറിൽ ഇടിച്ചാണ് അപകടം ഉണ്ടാക്കിയ കാർ നിന്നത്. അലി അക്ബർ ഫാഷൻ ഡിസൈനിംഗ് ഹാൻഡ് വർക്കർ ആണ്.