കേരളത്തിലെ മുഖ്യമന്ത്രിയെ 48 മണിക്കൂറിനകം പ്രഖ്യാപനമെന്ന് കെ മുരളീധരന്‍. ദീപ ദാസ് മുന്‍ഷി വിളിച്ചെന്നും നാളെ എത്തണമെന്ന് നേതൃത്വം ആവശ്യപ്പെട്ടതായും മുരളീധരന്‍ പറഞ്ഞു. നാളെ കാണണം എന്ന് പറഞ്ഞു. എങ്ങനെയാണ് ചര്‍ച്ച എന്ന് അറിയില്ല. മുഖ്യമന്ത്രി ചര്‍ച്ചയ്ക്ക് ആയിരിക്കാമെന്നും നാളെയും മറ്റന്നാളുമായി തീരുമാനം ഉണ്ടാകുമെന്നും മുരളീധരന്‍ കൂട്ടിച്ചേര്‍ത്തു.

നാളെ രാവിലെ പോകുമെന്നും ഹൈക്കമാന്‍ഡ് നിരീക്ഷകരോട് കാര്യങ്ങള്‍ പറഞ്ഞതാണെന്നും മുരളീധരന്‍ വ്യക്തമാക്കി. ഇന്നോ നാളെയോ ആയിരിക്കും പ്രഖ്യാപനം. എംഎല്‍എമാരുടെ പിന്തുണയുമായി ബന്ധപ്പെട്ട വിഷയത്തില്‍, നിങ്ങള്‍ പറഞ്ഞ പിന്തുണ ആയിരിക്കില്ലല്ലോ ശരിയായ പിന്തുണയെന്നും മുരളീധരന്‍ അഭിപ്രായപ്പെട്ടു. കെ. വി. തോമസിന്റെ പുസ്തകത്തെക്കുറിച്ച്, ഇപ്പോള്‍ സ്ഥാനം പോയില്ലേ എന്നും ഇനി പുസ്തകം എഴുതാമെന്നും മുരളീധരന്‍ പറഞ്ഞു. തങ്ങള്‍ ഫീല്‍ഡ് നിന്ന് മാറുമ്പോള്‍ പുസ്തകം എഴുതാമെന്നും കെ മുരളീധരന്‍ കൂട്ടിച്ചേര്‍ത്തു.