തിരുവനന്തപുരത്ത് വയോധികയെ വീട്ടുവളപ്പിൽ തീകൊളുത്തി മരിച്ചനിലയിൽ കണ്ടെത്തി. മൂന്നാംമൂട് പള്ളിവിള മിഥുനാലയത്തിൽ സുമതി (84)യാണ് മരിച്ചത്. തിങ്കൾ രാവിലെ 9.30ഓടെ വീടിന് പിറകുവശത്താണ് സംഭവം നടന്നത്.

രണ്ടാമത്തെ മകൾ സുജാതയ്‌ക്കൊപ്പമായിരുന്നു താമസം. തിങ്കൾ രാവിലെ സുജാതയും മകളും വട്ടിയൂർക്കാവിൽ പോയിട്ടുണ്ടായിരുന്നു. തിരികെ വന്നശേഷം സുമതിയെ വീട്ടിൽ കാണാത്തതിനാൽ നടത്തിയ തിരച്ചിലിലാണ് വീടിനുപിറകിൽ തീകൊളുത്തി മരിച്ചനിലയിൽ കാണപ്പെട്ടത്
മണ്ണെണ്ണ ഒഴിച്ചാണ് തീ കൊളുത്തിയത്. വട്ടിയൂർക്കാവ് പൊലീസ്‌ എത്തി മൃതദേഹം മെഡിക്കൽ കോളേജ് മോർച്ചറിയിലേക്ക്‌ മാറ്റി. പൊലീസ് കേസെടുത്തു. ഭർത്താവ്‌: പരേതനായ ലാസർ. മറ്റ്‌ മക്കൾ: സുമംഗല, ജയ.