ഇഡി നടത്തുന്ന രാഷ്ട്രീയ നീക്കങ്ങളെ രാഷ്ട്രീയമായി നേരിടുമെന്ന് പിണറായി വിജയന്
എന്ഫോഴ്സ്മെന്റ് ഡയറക്ടറേറ്റ് രാഷ്ട്രീയ നീക്കങ്ങളാണ് നടത്തിവരുന്നതെന്ന് പ്രതിപക്ഷ നേതാവ് പിണറായി വിജയന്. കരുവന്നൂര് ബാങ്കിലെ അഴിമതിയുമായി ബന്ധപ്പെട്ട ഇടപെടല് ചൂണ്ടിക്കാട്ടിയായിരുന്നു പിണറായിയുടെ പ്രതികരണം. രാഷ്ട്രീയമായ നീക്കങ്ങള് രാഷ്ട്രീയമായിത്തന്നെ നേരിടുമെന്നും അദ്ദേഹം കൂട്ടിച്ചേര്ത്തു.
സിഎംആര്എല് കമ്പനിയില് നിന്ന് 3.28 കോടി രൂപ മകള് വീണ വഴി കൈക്കൂലി വാങ്ങിയെന്ന ഇഡിയുടെ കത്ത് പുറത്തുവന്നതിന് പിന്നാലെയായിരുന്നു പ്രതിപക്ഷ നേതാവിന്റെ പ്രതികരണം. എന്നാല് തനിക്കെതിരായ കേസിനെക്കുറിച്ച് ചെങ്ങന്നൂരിലെ പരിപാടിയില് പിണറായി പ്രതികരിച്ചില്ല.
'കരുവന്നൂരില് തെറ്റായ നടപടികള് സ്വീകരിച്ചപ്പോള് അതിനെതിരെ ശക്തമായ നടപടിയാണ് എല്ഡിഎഫ് സര്ക്കാര് സ്വീകരിച്ചത്. പക്ഷേ നമ്മുടെ രാജ്യത്തെ ഇഡി എന്ന അന്വേഷണ ഏജന്സി അതിലിടപെട്ട് ഒരു പാര്ട്ടിയെ പ്രതിയാക്കി. രാജ്യത്ത് ആദ്യമായിട്ടാണിത്. സ്ഥാപനത്തില് അഴിമതി നടത്തിയവരെ കണ്ടെത്തുകയും അവര്ക്കെതിരെ നടപടി സ്വീകരിക്കുകയും ചെയ്തപ്പോഴാണ് ഇഡി വരുന്നത്.
അത്തരത്തിലുള്ള ചിലരെ ഇഡി സ്വാധീനിച്ച് അവരെ മാപ്പുസാക്ഷിയാക്കി. ഇഡിയോ അവരെ പിന്നില് നിന്ന് നയിക്കുന്നവരോ മനസില് കാണുന്ന കാര്യങ്ങള് ഈ പറയുന്ന ആളുകള് പറയണം. കേരളത്തിലെ സഹകരണ മേഖലയാകെ അഴിമതിയുടെ കേന്ദ്രമാണെന്ന് പ്രചരിപ്പിക്കാനുള്ള ശ്രമമാണ് നടത്തിയത്. ഏജന്സികള് നടത്തുന്ന ഇത്തരം രാഷ്ട്രീയ നീക്കങ്ങളെ രാഷ്ട്രീയമായിത്തന്നെ നേരിടും' പിണറായി വിജയന് വ്യക്തമാക്കി.
https://www.facebook.com/Malayalivartha
