പിഎം ശ്രീ പദ്ധതിയില് നിന്ന് പിന്മാറാനാവില്ലെന്ന് മുഖ്യമന്ത്രി
പി.എം ശ്രീ പദ്ധതി നടപ്പാക്കുന്നതിനെതിരെ കെ.പി.സി.സി ഭാരവാഹി യോഗത്തില് ഒരു വിഭാഗം നേതാക്കള് രംഗത്തെത്തി. പദ്ധതിയെക്കുറിച്ച് പൊതുസമൂഹത്തെ ബോദ്ധ്യപ്പെടുത്താന് കഴിയില്ലെന്ന് നേതാക്കള് ചൂണ്ടിക്കാട്ടി. പി.എം ശ്രീ തിരഞ്ഞെടുപ്പ് വിജയത്തിന് കാരണമായെന്നും പദ്ധതി നടപ്പാക്കരുതെന്നുമാണ് കെ.പി.സി.സി യോഗത്തില് നേതാക്കള് ആവശ്യപ്പെട്ടത്.
എന്നാല് പി.എം ശ്രീ മാത്രമല്ല തിരഞ്ഞെടുപ്പ് വിജയത്തിന് കാരണമെന്നും പദ്ധതിയില് നിന്ന് പിന്മാറാന് ആകില്ലെന്നും മുഖ്യമന്ത്രി വി.ഡി. സതീശന് മറുപടി നല്കി. മറ്റ് സംസ്ഥാനങ്ങളിലെ കോണ്ഗ്രസ് മുഖ്യമന്ത്രിമാര് പദ്ധതി നടപ്പാക്കിയിട്ടുണ്ടെന്നും കേന്ദ്രത്തിന് മുന്പാകെ ഉപാധികള് വയ്ക്കുമെന്നും വി.ഡി. സതീശന് കൂട്ടിച്ചേര്ത്തു.
പി.എം. നിയാസ്,ദീപ്തി മേരി വര്ഗീസ്,മാത്യു കുഴല്നാടന്,എ.എ. ഷുക്കൂര് തുടങ്ങിയവരാണ് പി.എം ശ്രീയെ എതിര്ത്തത്. പി.എം ശ്രീ വിഷയം യു.ഡി.എഫ് വിജയത്തിന് കാരണമായെന്ന് നിയാസ് പറഞ്ഞു. എന്നാല് അതു മാത്രമല്ല കാരണമെന്ന് മുഖ്യമന്ത്രി മറുപടി നല്കി. കരിക്കുലം,സ്കൂളുകള് എന്നിവ സംസ്ഥാന സര്ക്കാര് തീരുമാനിക്കുമെന്നും ഉപാധി വയ്ക്കുമെന്നും മുഖ്യമന്ത്രി വ്യക്തമാക്കി.
https://www.facebook.com/Malayalivartha
