പാങ്ങപ്പാറയിൽ അഭിറാം എന്ന പതിനേഴുകാരൻ കൊല്ലപ്പെട്ട കേസിൽ അറസ്റ്റിലായ പ്രതി ഉമറിനെ സംഭവസ്ഥലത്തും വീട്ടിലും എത്തിച്ച് പൊലീസ് തെളിവെടുപ്പ് നടത്തി. കഴക്കൂട്ടം എ സിയും സംഘവുമാണ് തെളിവെടുപ്പിന് എത്തിച്ചത്. തെളിവെടുപ്പിനിടെ മാധ്യമങ്ങൾക്ക് മുന്നിൽ ഉമർ പൊട്ടിക്കരഞ്ഞു.

താൻ ഇവിടെ വന്നിട്ടില്ല . ഈ സംഭവം നടന്നപ്പോൾ ഇവിടെ വന്നിട്ടില്ല. ഞാൻ പ്രതിയല്ല , അഭിറാമിനെ അറിയില്ല. ആദ്യമായിട്ടാണ് ഈ സ്ഥലത്ത് വരുന്നത്. കൊലപാതകത്തിൽ പങ്കില്ല എന്നാണ് ഉമർ പറഞ്ഞത്. ഇന്നലെ ഇവരെ പൊലീസ് കസ്റ്റഡിയിൽ വിട്ടിരുന്നു. ആനന്തയുടെ ഫോൺ അടക്കമുള്ള നിർണായക തെളിവുകൾ കണ്ടെത്താനാണ് പൊലീസ് ശ്രമം.