വിമാനം പുറപ്പെടുന്നതിന് തൊട്ടുമുൻപ് വിമാനത്തിൽ നിന്നും യാത്രക്കാരന്റെ നിലവിളി. ‘ഭയന്നു വിറച്ച് സഹയാത്രക്കാർ. നടുക്കുന്ന സംഭവ വികാസങ്ങളാണ് അരങ്ങേറിയിരിക്കുന്നത്. ഷിപ്പോൾ വിമാനത്താവളത്തിൽ നിന്ന് പ്രാഗിലേക്ക് പുറപ്പെടേണ്ടിയിരുന്ന വിമാനത്തിൽ ബോംബ് ഭീഷണി മുഴക്കി 45 കാരൻ. ഇന്നലെ രാത്രിയായിരുന്നു സംഭവം.ഇയാൾ അറസ്റ്റിലായി .

ചെക്ക് റിപ്പബ്ലിക് പൗരനായ ഇയാളെ നെതർലാൻഡ്സ് സൈനിക പൊലീസ് ആണ് കസ്റ്റഡിയിലെടുത്തത്. പ്രാഗിലേക്കുള്ള ടിക്കറ്റുമായി ബോർഡിങ് ഗേറ്റിന് സമീപം നിന്ന പ്രതി , വിമാനത്തിൽ ബോംബ് വച്ചിട്ടുണ്ടെന്ന് ഉറക്കെ വിളിച്ചുപറഞ്ഞു. തുടർന്ന് സുരക്ഷാ പരിശോധനകൾ നടത്തി. ബോംബ് കണ്ടെത്തിയില്ല. ശേഷമാണ് വിമാനം വൈകി പുറപ്പെട്ടത്.