തലസ്ഥാന നഗരിയില്‍ ഇത്രയും വലിയൊരു കായികമാമാങ്കം നടന്നിട്ടും കായിക മന്ത്രിയുടെ അസാന്നിദ്ധ്യം ഏറെ ശ്രദ്ധിക്കപ്പെട്ടു. മന്ത്രിയെ ഔദ്യോഗികമായി ആരും വിളിച്ചില്ലെന്നാണ്‌ ആക്ഷേപം. അതേസമയം കേന്ദ്ര മന്ത്രി ശശി തരൂര്‍ എത്തിയത്‌ കുട്ടികളെ ശരിക്കും ആവേശത്തിലാക്കി. കുട്ടികളുടെയിടയിലും ഏറെ ആരാധകരുള്ളയാളാണ്‌ ശശി തരൂര്‍. അതുകൊണ്ടുതന്നെ തരൂരിന്റെ സാന്നിധ്യം കുട്ടികള്‍ക്ക്‌ ഏറെ പ്രിയങ്കരവുമായി. കുട്ടികളുടെയിടയിലേക്കിറങ്ങിവന്ന്‌ അവരോട്‌ കുശലങ്ങള്‍ പങ്കു വച്ചു. നാളത്തെ തലമുറയിലെ കായിക താരങ്ങള്‍ക്ക്‌ തരൂര്‍ എല്ലാ ഭാവുകങ്ങളും നേര്‍ന്നു. സ്‌പോര്‍ട്‌സ്‌ അധികൃതരോട്‌ മേളയെപ്പറ്റിയും തരൂര്‍ ചര്‍ച്ച ചെയ്‌തു.