ആറന്‍മുള എയര്‍പോര്‍ട്ട് ഒരു ദുഷിച്ച വികസനത്തിന്റെ പേരാണന്ന് സുരേഷ്‌ഗോപി
ആറന്‍മുള എയര്‍പോര്‍ട്ട് ഒരു ദുഷിച്ച വികസനത്തിന്റെ പേരാണന്ന് സുരേഷ് ഗോപി എം.പി. കൊച്ചിയില്‍ ആസ്റ്റര്‍ മെഡിസിറ്റി പെരിയാര്‍ ശുചികരണ പരിപാടി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
വൈകാരികമായ ഇടപെടലാണ് വേണ്ടത്. അങ്ങനെ അല്ലാതെ വരുമ്പോഴാണ് കൃഷിയോഗ്യമല്ലാത്ത വെള്ളക്കെട്ടുകള്‍ നികത്തി ഓരോരുത്തരുടെയും നെഞ്ചത്തോട്ട് വിമാനത്താവളം നിര്‍മ്മിക്കാന്‍ പറയാനാകുന്നത്. വികസനത്തിന് നേരെ ലക്ഷ്മണ രേഖയല്ല ശ്രീരാമ രേഖ തന്നെ വരച്ച് അതിര് തീരുമാനിക്കാന്‍ കഴിയണമെന്നും സുരേഷ് ഗോപി പറഞ്ഞു.
വരാനുള്ള തലമുറയുടെ അവകാശമാണ് പ്രകൃതി എന്നും അദ്ദേഹം കൂട്ടിച്ചേര്‍ത്തു.
അമ്മയെപ്പോലെ തന്നെ കരുതേണ്ട പുഴകളെ മലീമസമാക്കുന്നതില്‍ വളരെ വിഷമമുണ്ടെന്നും മക്കളുടെ ചുമതലയാണ് അമ്മയെ സംരക്ഷിക്കേണ്ടതെന്നും പ്രസംഗത്തില്‍ സുരേഷ്‌ഗോപി സൂചിപ്പിച്ചു.
ഹൈബി ഈഡന്‍ എം.എല്‍.എ, ആം ആദ്മി പാര്‍ട്ടി നേതാവ് സി.ആര്‍ നീലകണ്ഠന്‍, നടി അമല പോള്‍, കെ.എം.ആര്‍.എല്‍. ഫിനാന്‍സ് ഡയറക്ടര്‍ ഏബ്രഹാം ഉമ്മന്‍ എന്നിവര്‍ പ്രസംഗിച്ചു.
https://www.facebook.com/Malayalivartha
