ഉടുമുണ്ടെറിഞ്ഞ് വെണ്മണിയുടെ സരസമ്മ രക്ഷപ്പെടുത്തിയത് മൂന്നു ജീവന്, ആക്ഷന് ഹീറോ സരസമ്മയും രാജ്യം കാക്കുന്ന ഭടനും സമയോചിതമായി ഇടപെട്ട് രക്ഷകരായതിങ്ങനെ
അച്ഛന് കോവിലാറിലെ കുത്തൊഴുക്കില്പ്പെട്ട മൂന്നു പേരെ രക്ഷപ്പെടുത്തിയ സരസമ്മ നാട്ടുകാരുടെ ആക്ഷന് ഹീറോ. കൊട്ടാരക്കര സ്വദേശികളായ പവീഷ്, രാഹുല്, നഹാസ് എന്നിവരെയാണ് വെണ്മണി കടവില് ശശിയുടെ ഭാര്യ സരസമ്മ, അയല്വാസിയായ വിമുക്തഭടന് തേക്കില് പുത്തന്വീട്ടില് ബാബു എന്നിവര് അതിസാഹസികമായി രക്ഷപ്പെടുത്തിയത്.
ശനിയാഴ്ച വൈകുന്നേരം ആറോടെ വെട്ടിയാര് പുലക്കടവ് പാലത്തിനുസമീപം അച്ചന്കോവിലാറ്റില് കൊട്ടാരക്കര സ്വദേശികളായ ഏഴംഗ സംഘം എത്തി.ഇതില് നാലുപേര് ആറ്റില് നീന്തികുളിക്കുന്നതിനിടയില് ഒഴുക്കില്പ്പെട്ടു. ആറ്റില് നിന്നും അലമുറ കേട്ട് വീട്ടമ്മ വീടിനുപുറത്ത് ഇറങ്ങി നോക്കുമ്പോള് കൈകള് ഉയര്ത്തി മൂന്നുപേര് ആറ്റില് മുങ്ങിതാഴുന്നതാണ് കണ്ടത്. കൂടെയുള്ള സുഹൃത്തുക്കള് കരയില് നിന്ന് അവരെ രക്ഷിക്കാന് സഹായത്തിനായി അലറിവിളിക്കുകയാണ്. ഈ സമയം ആറിനുസമീപം ഓടിയെത്തിയ വീട്ടമ്മ ഉടുത്തിരുന്ന സാരി അഴിച്ച് ആറ്റിലേക്ക് എറിഞ്ഞുകൊടുത്തു. യുവാക്കള് അതില് പിടിച്ച് കയറാന് ശ്രമം നടത്തി. കരക്കടുക്കാറായപ്പോള് അവര് പിടിവിടാന് തുടങ്ങി. ഉടന്തന്നെ വീട്ടമ്മ വിളിച്ചുകൂവി. ശബ്ദം കേട്ട് ഓടിയെത്തിയ വിമുക്തഭടന് ബാബു സാരിക്കൊപ്പം വലിയ മുളങ്കമ്പ് കൂടി ഇട്ടുകൊടുക്കുകയും ഇതില് പിടിച്ച് തൂങ്ങിക്കിടന്ന യുവാക്കളെ പിന്നീട് ബാബു ആറ്റിലേക്ക് നീന്തി ഇറങ്ങി കരക്കെത്തിക്കുകയുമായിരുന്നു.
ഒരാള് കൂടി ആറ്റില് മുങ്ങിതാഴ്ന്നതായി രക്ഷപ്പെട്ടവര് അറിയിച്ചതിനെ തുടര്ന്ന് പോലീസിനെയും അഗ്നിശമന സേനയെയും വിവരമറിയിച്ചു. ഒന്നരമണിക്കൂര് നീണ്ട തെരച്ചിലുകള്ക്കൊടുവില്, മുങ്ങിത്താഴ്ന്ന കൊട്ടാരക്കര അയിനുംമൂട്ടില് അനില് കുമാറിന്റെ (27 മൃതദേഹം കണ്ടെടുത്തു. വീട്ടമ്മയായ സരസമ്മയുടെ സമയോചിതമായ ഇടപെടലാണ് മൂന്നു ജീവനുകള്ക്ക് രക്ഷയുടെ വാതില് തുറന്നത്. മാവേലിക്കര കൊച്ചാലുംമൂട് പോപ്പുലര് മാരുതി ഷോപ്പിലെ ജോലിക്കാരി ഇപ്പോള് വെട്ടിയാര് അച്ചന്കോവിലാറിനു സമീപത്തുള്ള വെണ്മണി കടവുകാര്ക്ക് ഇന്ന് ഹീറോയാണ് സരസമ്മ.
https://www.facebook.com/Malayalivartha
