ജെ.സി ഡാനിയേല്‍ പുരസ്‌കാരം കെ.ജി ജോര്‍ജിന്
2015ലെ ജെ.സി ഡാനിയേല്‍ പുരസ്‌കാരം തിരക്കഥാകൃത്തും സംവിധായകനുമായ കെ.ജി ജോര്‍ജിന്. മലയാള സിനിമാ രംഗത്തെ സമഗ്ര സംഭാവനകള്‍ പരിഗണിച്ചാണ് അവാര്‍ഡ്. ഒക്ടോബര്‍ പതിനഞ്ചിന് പാലക്കാട് നടക്കുന്ന സംസ്ഥാന ചലച്ചിത്ര അവാര്‍ഡ് നിശയില്‍ മുഖ്യമന്ത്രി പിണറായി വിജയന്‍ അവര്‍ഡ് സമ്മാനിക്കും.
1970കളിലെ മലയാള സിനിമാ രംഗത്ത് വിപ്ലവകരമായ മാറ്റങ്ങള്‍ക്ക് തുടക്കമിട്ട വ്യക്തിയായിരുന്നു അദ്ദേഹം. മനുഷ്യ മനസ്സിന്റെ അഗാധ തലങ്ങളിലേക്ക് കയറിച്ചെല്ലുന്ന ശാസ്ത്രീയ വിശകലനങ്ങള്‍ തന്റെ കഥാപാത്രങ്ങളിലൂടെ നല്‍കുക എന്നതായിരുന്നു അദ്ദേഹത്തിന്റെ സിനിമകളുടെ പ്രത്യേകത.
മികച്ച ഫീച്ചര്‍ സിനിമക്കുള്ള ദേശീയ അവാര്‍ഡ്, 9 സംസ്ഥാന അവാര്‍ഡുകള്‍ എന്നിവ ലഭിച്ചു. സ്വപ്നാടനം, യവനി, ആദാമിന്റെ വാരിയെല്ല്, പഞ്ചവടിപ്പാലം, ഇരകള്‍, ഇലവേങ്കോട് ദേശം എന്നിവ പ്രധാന സിനിമകളാണ്. ഐ.വി ശശി ചെയര്‍മാനും സിബി മലയില്‍, ഇപി വിജയകുമാര്‍, കമല്‍, റാണി ദേശായ് എന്നിവര്‍ അടങ്ങിയ ജൂറി അംഗങ്ങളാണ് അവാര്‍ഡ് പ്രഖ്യാപിച്ചത്.
https://www.facebook.com/Malayalivartha
