തൊടുപുഴയില്‍ ഉറങ്ങിക്കിടക്കുന്ന വീട്ടുകാരെ വിളിച്ചുണര്‍ത്തി കെട്ടിയിട്ട് മോഷണം നടത്തിയതായി പരാതി. തൊടുപുഴ അമ്പലം റോഡില്‍ പ്രകാശ് ഗ്രൂപ്പ് ഉടമകളിലൊരാളായ കൃഷ്ണവിലാസം ബാലചന്ദ്രന്റെ വീട്ടിലാണ് മോഷണം നടന്നത്. തിങ്കളാഴ്ച പുലര്‍ച്ചെ ഒരുമണിയോടെയാണ് സംഭവം.
ഉറങ്ങിക്കിടക്കുന്ന വീട്ടുകാരെ ഒരു കുട്ടിയെ പോലുള്ളയാള്‍ ബെല്ലടിച്ച് ഉണര്‍ത്തുകയായിരുന്നു. വീട്ടുകാര്‍ വാതില്‍ തുറന്നതോടെ ഒളിച്ചിരുന്ന നാലംഗസംഘം വീട്ടിനുള്ളിലേക്ക് പ്രവേശിച്ച് ബാലചന്ദ്രനെയും ഭാര്യ ശ്രീജയെയും കെട്ടിയിട്ട് വായില്‍ തുണി തിരുകിയായിരന്നു മോഷണം.
1.70 ലക്ഷം രൂപ, ബാലചന്ദ്രന്റെ കഴുത്തിലെ മാല, ഭാര്യയുടെ വള മൊബൈല്‍ ഫോണ്‍, ഐപാഡ് എന്നിവ നഷ്ടപ്പെട്ടു. സംഘവുമായുള്ള മല്‍പ്പിടുത്തത്തില്‍ ബാലചന്ദ്രനും ഭാര്യയ്ക്കും പരുക്കേറ്റിട്ടുണ്ട്. അന്വേഷണം ആരംഭിച്ചെന്ന് തൊടുപുഴ പൊലീസ് അറിയിച്ചു.