ഹാദിയ വിഷയം വീണ്ടും കത്തുന്നു...അത് ഞങ്ങള് സമ്മതിച്ചതല്ല: രാഹുല് ഈശ്വറിനെതിരെ ഹാദിയയുടെ അച്ഛന്റെ പരാതി
രാഹുല് ഈശ്വറിനെതിരെ അഖില-ഹാദിയയുടെ അച്ഛന് പരാതി നല്കി. വീട്ടില് കയറി സമ്മതമില്ലാതെ ദൃശ്യങ്ങള് പകര്ത്തി സാമൂഹ്യമമാധ്യമങ്ങള് വഴി പ്രചരിപ്പിച്ചതിനെതിരെയാണ് ഹാദിയയുടെ അച്ഛന് അശോകന് പരാതി നല്കിയത്. നുമതിയില്ലാതെയാണ് ദൃശ്യങ്ങള് പകര്ത്തിയതും പ്രചരിപ്പിച്ചതും എന്നും രാഹുല് ഈശ്വര് തങ്ങളെ വഞ്ചിക്കുകയായിരുന്നെന്നും പരാതിയില് പറയുന്നു..
സുപ്രിം കോടതി നിര്ദ്ദേശമനുസരിച്ച് അതീവ സുരക്ഷയില് കഴിയുന്ന അഖിലഹാദിയയുടെ വീട്ടിലെത്തി രാഹുല് ഈശ്വര് സെല്ഫിയെടുക്കുകയും ദൃശ്യങ്ങള് പകര്ത്തി ട്വിറ്ററില് പോസ്റ്റ് ചെയ്യുകയും ചെയ്തിരുന്നു. അഖില എന്ന ഹാദിയയുടെ മതം മാറ്റവുമായി ബന്ധപ്പെട്ട് എന്.ഐ.എ അന്വേഷണം നടത്താനും മാധ്യമ പ്രവര്ത്തകര്ക്കടക്കം പ്രവേശനം അനുവദിക്കാത്ത തരത്തില് സുരക്ഷ ഒരുക്കാനും സുപ്രിം കോടതി നിര്ദ്ദേശം നിലനില്ക്കെ ആയിരുന്നു ഇത്. 
ഹാദിയയും അച്ഛനും ഒരുമിച്ചിരിക്കുന്നതും അമ്മയ്ക്കൊപ്പമുള്ള പ്രത്യേക സെല്ഫിയും ഒപ്പം അമ്മ സംസാരിക്കുന്ന ദൃശ്യങ്ങളും രാഹുല് പരസ്യമായി പോസ്റ്റ് ചെയ്തു. അഖിലഹാദിയ അമ്മയെ മതം മാറ്റാന് ശ്രമിച്ചതായും ഹിന്ദു ദൈവങ്ങള് ശരിയല്ലെന്ന് ഹാദിയ പറഞ്ഞതായും ഉള്ള മേല്ക്കുറിപ്പോടു കൂടിയായിരുന്നു ദൃശ്യങ്ങള് പോസ്റ്റ് ചെയ്തത്. ലൗവ് ജിഹാദ് ടേപ്പ് എന്ന ഹാഷ് ടാഗിലായിരുന്നു പോസ്റ്റുകളെല്ലാം.
രാഹുല് എങ്ങനെ ഹാദിയായുടെ വീട്ടിലെത്തി
രാഹുല് ദൃശ്യങ്ങള് പകര്ത്തിയതെന്ന് ചൂണ്ടിക്കാട്ടി വൈക്കം പൊലീസ് സ്റ്റേഷനിലാണ് അശോകന് പരാതി നല്കിയിരിക്കുന്നത്. വിശ്വാസവഞ്ചനയ്ക്കെതിരെ കേസെടുക്കണമെന്നാണ് ആവശ്യം. മൊബൈലില് ചിത്രങ്ങള് പകര്ത്തി നവമാധ്യമങ്ങള് വഴി പ്രചരിപ്പിച്ചുവെന്ന് പരാതിയിലുണ്ട്.
ദിവസങ്ങള്ക്ക് മുന്പാണ് രാഹുല് ഈശ്വര് ഹാദിയയുടെ വൈക്കത്തുള്ള വീട്ടിലെത്തിയത്. മാധ്യമപ്രവര്ത്തകര് ഉള്പ്പെടെയുള്ളവര്ക്ക് പ്രവേശനാനുമതി നിഷേധിച്ചിടത്ത് സംഘപരിവാര് ബന്ധമുള്ളയാള് എത്തിയത് ഏറെ വിവാദങ്ങള്ക്കിടയാക്കിയിരുന്നു. ഹാദിയയുടെ വീട്ടില് എങ്ങനെ കയറിപ്പറ്റി എന്ന ചോദ്യത്തിന് രാഹുല് കൃത്യമായ മറുപടി നല്കിയിരുന്നില്ല. ആവര്ത്തിച്ചു ചോദിച്ചപ്പോള് ഡിവൈഎസ്പിയുടേയും ഹാദിയയുടെ പിതാവിന്റേയും അനുവാദത്തോടെയണ് കയറിയതെന്ന് രാഹുല് പറഞ്ഞിരുന്നു. അമ്മയുടെ പ്രതികരണം അനുവാദത്തോടെയാണ് പകര്ത്തിയതെന്ന് പറഞ്ഞെങ്കിലും ഒളിക്യാമറ ഉപയോഗിച്ചാണോ എന്ന സംശയം ഉയര്ന്നിരുന്നു. പരാതിയുമായി അശോകന് രംഗത്തെത്തിയതോടെ സംശയം കൂടുതല് ബലപ്പെട്ടു.
അമ്മയുെട അഭിമുഖം പകര്ത്തുന്നതിനിടെ ഇടയ്ക്കി കയറി ഹാദിയ സംസാരിക്കുന്നതും വീഡിയോയില് ഉണ്ടായിരുന്നു. ഇത് ഫെയ്സ്ബുക്കിലും ട്വിറ്ററിസും ഉള്പ്പെടെ പോസ്റ്റു ചെയ്യുകയും ചെയ്തിരുന്നു.
ഇതിന് പിന്നാലെ പിഡിപി ചെയര്മാന് അബ്ദുള് നാസര് മഅദനിയെ രാഹുല് ഈശ്വര് സന്ദര്ശിച്ചതും വിവാദമായിരുന്നു. ഇതേത്തുടര്ന്ന് രാഹുല് ഈശ്വറിന് ഭീഷണി ഉയരുകയും ചെയ്തിരുന്നു. ഹിന്ദുക്കളുടെ പരിപാടിയില് ഇനി പങ്കെടുത്താല് തല പൊളിക്കുമെന്നായിരുന്നു ഫോണിലൂടെയുള്ള ഭീഷണി.
https://www.facebook.com/Malayalivartha
