ബാലാവകാശ കമ്മിഷന് നിയമനവുമായി ബന്ധപ്പെട്ട് ഹൈക്കോടതി വിമര്ശനം നേരിട്ട മന്ത്രി കെ.കെ. ശൈലജയുടെ രാജി ആവശ്യപ്പെട്ട് നിയമസഭയില് പ്രതിപക്ഷ പ്രതിഷേധം
ബാലാവകാശ കമ്മിഷന് നിയമനവുമായി ബന്ധപ്പെട്ട് ഹൈക്കോടതി വിമര്ശനം നേരിട്ട മന്ത്രി കെ.കെ. ശൈലജയുടെ രാജി ആവശ്യപ്പെട്ട് നിയമസഭയില് പ്രതിപക്ഷ പ്രതിഷേധം തുടരുന്നു. ചോദ്യോത്തരവേള നടക്കുന്നതിനിടെ പ്രതിപക്ഷം നടുത്തളത്തില് ബാനറുമായി കുത്തിയിരുന്ന് മുദ്രാവാക്യം വിളിക്കുകയാണ്. അതിനിടെ, കെ.കെ. ശൈലജയ്ക്കെതിരെ പാര്ട്ടിക്കുള്ളിലും വിമര്ശനമുയര്ന്നതായി സൂചനയുണ്ട്.
മന്ത്രിയുടെ െ്രെപവറ്റ് സെക്രട്ടറി പി.കെ. സുധീര് ബാബുവിനെ തല്സ്ഥാനത്തുനിന്നു മാറ്റുമെന്നാണ് വിവരം. സ്വാശ്രയ മെഡിക്കല് പ്രവേശനത്തിലും ബാലാവകാശ കമ്മിഷന് നിയമനത്തിലും പ്രതിരോധത്തിലായ മന്ത്രിയെ രക്ഷിക്കാന് തല്ക്കാലം പ്രൈവറ്റ് സെക്രട്ടറിയെ മാറ്റാമെന്നാണു സിപിഎം ഉന്നതരുടെ തീരുമാനം.
ആരോഗ്യ സെക്രട്ടറിയും സെക്രട്ടേറിയറ്റിലെ മറ്റ് ഉദ്യോഗസ്ഥരും അയയ്ക്കുന്ന ഫയലുകള് കൃത്യമായി പരിശോധിച്ചു സര്ക്കാര് താല്പര്യത്തിന് അനുസൃതമായി മാറ്റം വരുത്തുന്നതിലും മന്ത്രിയെ കാര്യങ്ങള് അത്തരത്തില് ബോധ്യപ്പെടുത്തുന്നതിലും ഇദ്ദേഹം വീഴ്ച വരുത്തിയെന്നാണു പാര്ട്ടിയുടെ വിലയിരുത്തല്.
ഹൈക്കോടതിയില്നിന്നു പ്രതികൂല പരാമര്ശം ഏറ്റുവാങ്ങിയ മന്ത്രി ശൈലജ രാജിവയ്ക്കണമെന്ന ആവശ്യവുമായി അഞ്ചു പ്രതിപക്ഷ എംഎല്എമാര് നിയമസഭാ കവാടത്തില് അനിശ്ചിതകാല സത്യഗ്രഹം ആരംഭിച്ചതും സര്ക്കാരിനെ പ്രതിരോധത്തിലാക്കിയിട്ടുണ്ട്.
ഇ.പി. ജയരാജന് വിഷയത്തിലും ശൈലജയുടെ വിഷയത്തിലും ഇരട്ട നീതിയാണു നടപ്പാക്കുന്നതെന്ന ആക്ഷേപവും സിപിഎമ്മില് ഒരു വിഭാഗത്തിനുണ്ട്. ഈ പശ്ചാത്തലത്തില് തല്ക്കാലം പ്രൈവറ്റ് സെക്രട്ടറിയെ മാറ്റി മുഖം രക്ഷിക്കാനാണു സര്ക്കാരിന്റെയും പാര്ട്ടിയുടെയും ആലോചന.
https://www.facebook.com/Malayalivartha
