സു​പ്രീം​കോ​ട​തി​യി​ല്‍ ഹാ​ജ​രാ​കാ​നായി ഹാ​ദി​യ​ വൈക്കത്തെ വീട്ടില്‍ നിന്നും പുറപ്പെട്ടു. കനത്ത പൊലീസ്​ അകമ്പടിയോടെയാണ്​ ഹാദിയ യാത്ര തിരിച്ചത്​. ഹാ​ദി​യയും പിതാവും മാതാവും അഞ്ചംഗ പൊലീസ് സംഘവുമാണ് ഡല്‍ഹിക്ക് തിരിക്കുന്നത്​. വൈക്കം ടി.വി പുരത്തെ വസതിയില്‍ നിന്ന് റോഡ് മാര്‍ഗമാണ് നെടുമ്പാശേരി വിമാനത്താവളത്തിലേക്ക് സംഘം പോയത്​. വൈകീട്ട്​ നെടുമ്പാശ്ശേരിയില്‍ നിന്ന്​ ഡ​ല്‍​ഹിക്ക് യാ​ത്ര തിരിക്കും.

കടുത്തുരുത്തി സി.ഐ ജോണ്‍സന്‍റെ മേല്‍നോട്ടത്തില്‍ അഞ്ചംഗ പൊലീസ് സംഘമാണ് യാത്രയില്‍ അനുഗമിക്കുന്നത്​. കടുത്തുരുത്തി സി.ഐ ജോണ്‍സനെ കൂടാതെ ഒരു വനിതാ സി.ഐ, രണ്ട് വനിതാ സിവില്‍ പൊലീസ് ഒാഫീസര്‍മാര്‍, ഒരു പുരുഷ സിവില്‍ പൊലീസ് ഒാഫീസര്‍ എന്നിവരാണ് സുരക്ഷാ സംഘത്തിലുള്ളത്. കൊ​ച്ചി​യി​ല്‍​ നി​ന്ന്​ ശ​നി​യാ​ഴ്​​ച വൈ​കീ​ട്ടുള്ള ടാ​റ്റ​യു​ടെ വി​സ്​​താ​ര എ​യ​ര്‍​ലൈ​ന്‍​സി​ലാണ് ഡല്‍ഹി യാത്ര.
ഡല്‍ഹിയിലെ താമസസൗകര്യവും സുരക്ഷയും അടക്കമുള്ള കാര്യങ്ങള്‍ക്കായി അഞ്ചംഗ പൊലീസ് സംഘം നേരത്തെ ഡല്‍ഹിയില്‍ എത്തിയിട്ടുണ്ട്. ഡല്‍ഹി കേരളാ ഹൗസിലായിരിക്കും സംഘം താമസിക്കുക എന്നാണ് ലഭിക്കുന്ന വിവരം. വിവാഹം റദ്ദാക്കി കോടതി പിതാവിനൊപ്പം വിട്ട ശേഷം ആദ്യമായാണ്​ ഹാദിയ പുറത്തിറങ്ങുന്നത്​.
തിങ്കളാഴ്ച ഉച്ചക്ക് മൂന്നു മണിക്ക് ഹാദിയയെ നേരിട്ട് ഹാജരാകണമെന്നാണ് പിതാവിനോട് സുപ്രീംകോടതി നിര്‍ദേശിച്ചിട്ടുള്ളത്. ഇതിന് മുന്നോടിയായി ഹാദിയയുടെയും മാതാപിതാക്കളുടെയും മൊഴി രേഖപ്പെടുത്തിയ റിപ്പോര്‍ട്ട് എന്‍.ഐ.എ കോടതിയില്‍ സമര്‍പ്പിച്ചിരുന്നു.
ടി.​വി പു​ര​ത്തെ അ​ശോ​കന്‍റെ വീ​ടി​നു മു​ന്നി​ല്‍ രാ​വി​ലെ മു​ത​ല്‍ ദേ​ശീ​യ ചാ​ന​ലു​ക​ളി​ലേ​ത്​ ഉ​ള്‍​പ്പെ​ടെ മാ​ധ്യ​മ​പ്ര​വ​ര്‍​ത്ത​ക​ര്‍ എ​ത്തി​യി​രു​ന്നു. ഇ​വ​രോ​ട്​ സം​സാ​രി​ക്കാ​ന്‍ പി​താ​വോ അ​ടു​ത്ത ബ​ന്ധു​ക്ക​ളോ ത​യാ​റാ​യി​ല്ല.
അ​തി​നി​ടെ, ചേ​ക​ന്നൂ​ര്‍ മൗ​ല​വി​യു​ടെ ഖു​ര്‍​ആ​ന്‍ സു​ന്ന​ത്ത്​ സൊ​സൈ​റ്റി​യു​ടെ വ​നി​ത വി​ഭാ​ഗം നേ​താ​വാ​യ ജാ​മി​ദ ടീ​ച്ച​ര്‍ വൈ​ക്ക​ത്തെ വ​സ​തി​യി​ലെ​ത്തി ഹാ​ദി​യ​യു​മാ​യി ഒ​ന്ന​ര മ​ണി​ക്കൂ​റോ​ളം കൂ​ടി​ക്കാ​ഴ്​​ച ന​ട​ത്തി​യ​ത്​ വി​വാ​ദ​മാ​യി. ഇ​വ​ര്‍​ക്ക്​ ആ​ര്​ സ​ന്ദ​ര്‍​ശ​നാ​നു​മ​തി ന​ല്‍​കി എ​ന്ന​താ​ണ്​ വി​വാ​ദ​ത്തി​ന്​ അ​ടി​സ്ഥാ​നം. ഇ​തി​നെ​തി​രെ ഹാദിയയുടെ ഭ​ര്‍​ത്താ​വ് ഷെ​ഫി​ന്‍ ജ​ഹാ​ന്‍ ഡി.​ജി.​പി​ക്ക്​ പ​രാ​തി ന​ല്‍​കിയിട്ടുണ്ട്.