മദ്യപാനിയായ ഭര്ത്താവിനെ ഡി അഡിക്ഷന് സെന്ററില് ചികില്സിക്കാന് യുവതി ചെയ്ത കടുംകൈ
മദ്യപാനിയായ ഭര്ത്താവിനെ ചികില്സിക്കാന് യുവതി കൈക്കുഞ്ഞിനെ വിറ്റു. ജ്യോതി എന്ന സ്ത്രീയാണ് 21,000 രൂപക്ക് മൂന്നര മാസം പ്രായമായ കുഞ്ഞിനെ വിറ്റത്. രണ്ട് മാസം മുമ്ബാണ് കേസിനാസ്പദമായ സംഭവം. കുഞ്ഞിനെ വാങ്ങിയ റിട്ടയര് നഴ്സായ ശാന്തമ്മയുടെ പേരിലടക്കം കേസിലുള്പ്പെട്ട എല്ലാവരുടെ പേരിലും പോലീസ് കേസെടുത്തു.
മദ്യപാനിയായ ഭര്ത്താവിനെ ഡി അഡിക്ഷന് സെന്ററില് ചികിത്സയൊരുക്കാന് വേണ്ടിയാണ് യുവതി കുഞ്ഞിനെ വിറ്റതെന്ന് പോലീസ് പറഞ്ഞു. ശാന്തമ്മ കുഞ്ഞിനെ കുട്ടികളില്ലാത്ത മറ്റൊരു കുടുംബത്തിന് നല്കിയതായി പോലീസ് അറിയിച്ചു.
പേര് പറയാതെ ചൈല്ഡ് ലൈന് പ്രവര്ത്തകര്ക്ക് ലഭിച്ച കത്തിന്റെ അടിസ്ഥാനത്തില് ശിശു ക്ഷേമ വകുപ്പും വനിതാ സംരക്ഷണ വകുപ്പുമാണ് സംഭവത്തെ കുറിച്ച് അന്വേഷണത്തിന് ഉത്തരവിട്ടത്.
ശാന്തമ്മയുടെ അയല്വാസിയായ ഗായത്രിയാണ് ജ്യോതിയെ ശാന്തമ്മക്ക് പരിചയപ്പെടുത്തിയതെന്ന് ചൈല്ഡ് വെല്ഫെയര് കമ്മിറ്റി പ്രവര്ത്തക കോമള പറഞ്ഞു. അന്വേഷണത്തില് ശാന്തമ്മ മുമ്പും ഇത്തരത്തില് കുട്ടികളെ വാങ്ങി മറിച്ച് വിറ്റിട്ടുള്ളതായി തെളിഞ്ഞിട്ടുണ്ട്.
https://www.facebook.com/Malayalivartha
