മുസ്ലിംകുട്ടികളെ സ്കൂളില് വിടരുതെന്ന് ആഹ്വാനം ചെയ്ത മതപ്രചാരകന്റെ പുതിയ എഫ്.ബി പോസ്റ്റിനെതിരെ സോഷ്യല് മീഡിയയില് പ്രതിഷേധം
ആശുപത്രികളെയും ജീവകാരുണ്യ സംഘടനകളെയും മതത്തിന്റെ പേരില് തരംതിരിക്കത്തക്ക വിധത്തില് മുസ്ലിംമതപ്രചാരകന് എഴുതിയ ഫെയിസ്ബുക്ക് പോസ്റ്റിനെതിരെ സമൂഹമാധ്യമങ്ങളില് പ്രതിഷേധം. മുസ്ലിംലിങളായ ഡോക്ടര്മാര് റെഡ്ക്രോസ് ചിഹ്നമായ കുരിശ് ആശുപത്രികളില് പ്രദര്ശിപ്പിക്കരുതെന്നും ഏകദൈവവിശ്വാസത്തിന് നിരക്കാത്തതാണ് അതെന്നും മതപ്രചാരകന് അബ്ദുള് മുസിന് അയീദ് ഫെയിസ്ബുക്കിലൂടെ ആഹ്വാനം ചെയ്തു. ഇസ്്ലാംമതവിശ്വാസിയായ ഡോക്ടര്മാര് രോഗികളായ സ്ത്രീകളെ പരിശോധനയ്ക്കിടെ തൊടരുതെന്നും പരിശോധനയ്ക്കിടയിലും ആശുപത്രിയിലും വനിതകളും പുരുഷന്മാരും തമ്മിലുള്ള ഇടപെഴകല് അനുവദിക്കരുതെന്നും അദ്ദേഹം നിര്ദ്ദേശിക്കുന്നു. വൈദ്യശാസ്ത്രം പഠിക്കുന്നതിന്റെ ഇസ്്ലാമിക വിധി എന്ന പേരില് അല് അസ്വാല എന്ന ബ്ളോദില് എഴുതിയ ലേഖനത്തിന്റെ വിശദാംശങ്ങളാണ് ഇദ്ദേഹം എഫി.ബിയില് ഇട്ടിരിക്കുന്നത്.
ഡോക്ടര്മാരെ കാണാനെത്തുന്ന വനിതാ, പുരുഷ രോഗികള് റിസപ്ഷനിലും വെയിറ്റിംഗ് റൂമിലും പരിശോധനാ മുറിയിലും ഒരുമിച്ചിരിക്കരുതെന്നും അന്യസ്ത്രീകള്ക്ക് ഹസ്തദാനം നല്കുക എന്നത് ഡോക്ടര്മാര്ക്കും മറ്റും അനുവദനീയമല്ല. അവര് യുവതികളാകട്ടെ, വൃദ്ധകളാകട്ടെ.
ആശുപത്രികളിലും ആംബുലന്സുകളിലും ഒട്ടിച്ചിട്ടുള്ള ചുവന്ന നിറത്തിലുള്ള റെഡ്ക്രോസ് അടയാളം കുരിശാണ്. അത് ക്രിസ്തീയ മതത്തിലെ ബഹുദൈവവിശ്വാസത്തെ സൂചിപ്പിക്കുന്നതാണ്. അതിനാല് മുസ്്ലിം ഡോക്ടര്മാര് അവ ഒഴിവാക്കണമെന്നും പുരോഹിതന് ആവശ്യപ്പെടുന്നു.
വനിതാ രോഗികളെ പുരുഷ ഡോക്ടര്മാര് അടിയന്തരഘട്ടത്തില് മാത്രമേ ചികില്സിക്കാവൂ. അത്തരം സന്ദര്ഭങ്ങളില് രോഗിയുടെ ദേഹത്ത് തൊട്ട് പരിശോധിക്കാന് ഗ്ലൗസ് ധരിക്കണം. രോഗി അതീവഗുരുതരാവസ്ഥയിലാണെങ്കില് ഗ്ലൗസ് ഇല്ലാതെ പരിശോധിക്കാം. വനിതകളായ രോഗികള് പരിശോധനക്ക് ആവശ്യമല്ലാത്ത ശരീര ഭാഗങ്ങള് ഒഴികെ മറച്ച് വേണം ഡോക്ടറെ സമീപിക്കാന്. മുസ്്ലിം പുരുഷന്മാര് പരിചയമില്ലാത്ത വനിതകള്ക്കൊപ്പം ഒറ്റയ്ക്ക് ഇടപഴകരുതെന്നാണ് മതം അനുശാസിക്കുന്നത്. പ്ലാസ്റ്റിക് സര്ജറി അനിസ്ലാമികമാണെന്നും സലഫി വിഭാഗത്തിലെ പ്രചാരകനായ അബ്ദുള് മുസിന് അയീദ് ചൂണ്ടിക്കാട്ടുന്നു. ഇസ്ലാംമതവിശ്വാസികള് കുട്ടികളെ സ്കൂളിലേക്ക് അയക്കരുതെന്ന് മുന്പ് ഇദ്ദേഹം ആഹ്വാനം ചെയ്തത് വിവാദമായിരുന്നു.
https://www.facebook.com/Malayalivartha
