അതിരപ്പള്ളി വാല്‍പാറയില്‍ നാലുവയസുകാരനെ പുലി കടിച്ചു കൊണ്ടുപോയ സംഭവത്തിൽ കുട്ടിയുടെ മൃതദേഹം കണ്ടെത്തി. വാല്‍പാറ നടുമല എസ്​റ്റേറ്റിലെ ഷറഫലിയുടെയും സഫിയയുടെയും മകനായ സൈദുല്ലയെയാണ്​ ഇന്നലെ വൈകുന്നേരം ആറോടെ പുലി കടിച്ചു കൊണ്ടുപോയത്​. കുട്ടി വീടി​ന്റെ അടുക്കള വാതിലില്‍ നില്‍ക്കുകയായിരുന്നു. ഈ സമയത്താണ് പുലിയുടെ ആക്രമണമുണ്ടായത്. അമ്മയുടെ ബഹളം കേട്ട നാട്ടുകാര്‍ ആയുധമായെത്തി അന്വേഷിച്ചെങ്കിലും കണ്ടെത്താനായില്ല.

ഇന്നലെ രാത്രി 8.30 ഒാടെയാണ്​ ​തല വേര്‍പെട്ട നിലയില്‍ 350 മീറ്റര്‍ അകലെ കുട്ടിയുടെ ശരീരം കാട്ടില്‍ നിന്ന്​ കണ്ടെത്തിയത്. ശരീരം മറ്റൊരു ഭാഗത്തുനിന്നാണ് കണ്ടെത്തിയത്.