പരാതികള് പരിഭവങ്ങള് ഏറെ… വിജിലന്സ് അന്വേഷണം, ബാര് പ്രശ്നം, മന്ത്രിസഭാ വികസനം ഉത്തരം തേടിയുള്ള ഉമ്മന് ചാണ്ടിയുടെ യാത്ര ഡല്ഹിയിലെത്തി
പരാതിയും പരിഭവങ്ങളുമായി മുഖ്യമന്ത്രി ഉമ്മന്ചാണ്ടിയും സംഘവും ഡല്ഹിയിലെത്തി.
ഹൈക്കമാന്ഡിനെ കണ്ട് വിവിധ പ്രശ്നങ്ങള് അവതരിപ്പിക്കുകയാണ് ഈ ഡല്ഹി യാത്രയുടെ ലക്ഷ്യം. ഇതില് ഉമ്മന് ചാണ്ടിയെ വ്യക്തിപരമായി ബാധിക്കുന്ന പ്രശ്നവുമുണ്ട്. ടൈറ്റാനിയം അഴിമതി കേസില് അരോപണ വിധേയനായ മുഖ്യമന്ത്രി എന്ത് നിലാപാട് എടുക്കണമെന്നതാണ് അതില് ഏറ്റവും പ്രധാനം.
പിന്നെയുള്ളത് സമ്പൂര്ണ മദ്യ നിരോധനമാണ്. സര്ക്കാരിന്റെ പാര്ട്ടി നയത്തിനെതിരെ പാര്ട്ടിക്കുള്ളില് തന്നെ അഭിപ്രായ വ്യത്യാസമുണ്ട്. ഉമ്മന് ചാണ്ടിയും മന്ത്രി ബാബുവും ഇക്കാര്യം തുറന്നു പറയുന്നുണ്ട്. തങ്ങളെ മദ്യലോബിയുടെ ആളായി ഒരു കൂട്ടര് ചിത്രീകരിക്കുന്നു എന്നാണ് ഇവരുടെ മുഖ്യപരാതി. മാത്രമല്ല സുധീരനെതിരെ ഐ ഗ്രൂപ്പ് നല്കിയ പരാതിയും ഹൈക്കമാന്ഡിന്റെ കൈയ്യിലുണ്ട്.
ഐ ഗ്രൂപ്പിന്റെ എതിര്പ്പിനെ തുടര്ന്ന് പാതിവഴിയില് നിന്നുപോയ മന്ത്രിസഭാ പുനഃസംഘടനയും ചര്ച്ചയില് വരാനിടയുണ്ട്. വിഴിഞ്ഞം പദ്ധതിയുമായി ബന്ധപ്പെട്ട കൂടിയാലോചനയ്ക്കാണ് മുഖ്യമന്ത്രി ഡല്ഹിയിലെത്തിയതെന്നാണ് ഔദ്യോഗിക വിശദീകരണം.
മറ്റു സംസ്ഥാനങ്ങളില് നിന്നു വ്യത്യസ്ഥമായി ലോക്സഭാ തെരഞ്ഞെടുപ്പില് കോണ്ഗ്രസ് ഭേദപ്പെട്ട പ്രകടനം കാഴ്ച്ചവച്ച സംസ്ഥാനമാണ് കേരളം. ഈ സാഹചര്യത്തില് സംസ്ഥാന കോണ്ഗ്രസിലെ തമ്മിലടി രൂക്ഷമാകുന്നത് ഹൈക്കമാന്ഡ് ഗൗരവത്തോടെയാണു കാണുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
