ഇനി ക്യൂ നില്‍ക്കേണ്ട… മെസേജ്‌ അയച്ചാല്‍ സാധനങ്ങള്‍ വീട്ടിലെത്തും; ത്രിവേണി, നീതി, നന്മ സ്റ്റോറുകളിലെ ഏത്‌ സാധനവും വാങ്ങാം
01 SEPTEMBER 2014 09:34 AM IST
മലയാളി വാര്‍ത്ത.
ഉപഭോക്താക്കള്‍ക്ക്‌ ആവശ്യമായ സ്റ്റേഷനറി അടക്കമുള്ള നിത്യേപയോഗ സാധനങ്ങളാണ്‌ ഇങ്ങനെ വീട്ടിലെത്തുക. മെസേജ്‌ കിട്ടിക്കഴിഞ്ഞാല്‍ സ്റ്റോറിലെ ഉദ്യാഗസ്ഥന്‍ ഫോണില്‍ തിരികെ വിളിച്ച്‌ വാങ്ങേണ്ട സാധനങ്ങള്‍ സ്ഥിരീകരിക്കും. മണിക്കൂറുകള്‍ക്കകം സാധനങ്ങള്‍ പായ്‌ക്ക്‌ ചെയ്‌തു ബില്ലുമായി ജീവനക്കാര്‍ വീട്ടിലെത്തും. സാധനങ്ങള്‍ കൈമാറുമ്പോള്‍ ബില്‍ തുക നല്‍കണം.
ആദ്യഘട്ടത്തില്‍ തിരുവനന്തപുരം, കൊല്ലം, കൊച്ചി, കോഴിക്കോട്‌ ജില്ലകളിലെ കോര്‍പറേഷന്‍, മുനിസിപ്പല്‍ പ്രദേശങ്ങളിലാണു പദ്ധതി തുടങ്ങുന്നത്‌. പരീക്ഷണം വിജയിച്ചാല്‍ മറ്റു ജില്ലകളിലേക്കും വ്യാപിപ്പിക്കും.
കണ്‍സ്യൂമര്‍ഫെഡിന്റെ കീഴിലുള്ള ത്രിവേണി, നീതി, നന്മ സ്റ്റോറുകള്‍ വഴിയാണ്‌ ഇതു പ്രാവര്‍ത്തികമാക്കുക.
നിത്യോപയോഗ സാധനങ്ങള്‍ പൊതുവിപണിയേക്കാള്‍ 20 ശതമാനും സ്റ്റേഷനറി സാധനങ്ങള്‍ പത്തു ശതമാനവും വിലകുറച്ചായിരിക്കും വില്‍ക്കുക. പുതിയ സംവിധാനത്തിലൂടെ സാധനങ്ങള്‍ വാങ്ങുന്നതിനു റേഷന്‍ കാര്‍ഡിന്റെ ആവശ്യവുമില്ല. സബ്‌സിഡി സാധനങ്ങളും ഇതുവഴി ഓര്‍ഡര്‍ ചെയ്യാം.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
