പൊതുസ്ഥലത്തെ പുകവലിക്ക് പിഴ വര്‍ധിപ്പിക്കാന്‍ ശുപാര്‍ശ. പൊതുസ്ഥലത്ത് പുക വലിക്കുന്നതിന് ഈടാക്കുന്ന പിഴ 200 രൂപയില്‍ നവിന്ന് 20,000 രൂപയാക്കി വര്‍ധിപ്പിക്കാനാണ് ശുപാര്‍ശ. ആരോഗ്യ മന്ത്രാലയം നിയോഗിച്ചിരിക്കുന്ന വിദഗ്ധ സമിതിയാണ് പിഴ വര്‍ധിപ്പിക്കാന്‍ സര്‍ക്കാരിനോട് ശുപാര്‍ശ ചെയ്തിരിക്കുന്നത്.
കൂടാതെ പുകയില ഉല്‍പന്നങ്ങള്‍ വാങ്ങുന്നതിനുള്ള പ്രായപരിധി ഉയര്‍ത്താനും നിര്‍ദ്ദേശമുണ്ട്. ചില്ലറയായി സിഗരറ്റ് വില്‍ക്കുന്നത് തടയണമെന്നും സമിതി ആവശ്യപ്പെട്ടിട്ടുണ്ട്. സിഗരറ്റ് പായ്ക്കറ്റുകളില്‍ നിയമപ്രകാരമുള്ള മുന്നറിയിപ്പ് കാണിക്കാത്ത കമ്പനികളില്‍ നിന്ന് പിഴ ഈടാക്കാനും ശുപാര്‍ശയില്‍ ആവശ്യപ്പെട്ടിട്ടുണ്ട്.