വി​ദേ​ശ​വ​നിത ലി​ഗ​യു​ടെ മ​ര​ണത്തിൽ പോലീസ് അന്വേഷണം പുരോഗമിക്കുന്നു. അന്വേഷണത്തിന്റെ ആദ്യ ഘട്ടത്തിൽ ആ​ത്മ​ഹ​ത്യ​യെ​ന്ന് ആ​വർ​ത്തി​ച്ചി​രു​ന്ന പൊ​ലീ​സ് പോ​സ്റ്റു​മോർ​ട്ടം റി​പ്പോർ​ട്ടി​ലെ സൂ​ച​ന​കൾ പു​റ​ത്തു​വ​ന്ന​തോ​ടെ കൊലപാതകത്തിലേക്ക് വിരൽ ചൂണ്ടുകയാണ്. മൃ​ത​ദേ​ഹം കാ​ണ​പ്പെ​ട്ട കോ​വ​ളം വാ​ഴ​മു​ട്ട​ത്തെ ക​ണ്ടൽ​കാ​ട് പ്ര​ദേ​ശ​മായ ചെ​ന്തി​ലാ​ക്ക​രി​യിൽ ഉൾ​പ്പെ​ടെ പ​തി​വാ​യി എ​ത്തു​ന്ന ചി​ല​രെ ചോ​ദ്യം ചെ​യ്യാ​നാ​യി ക​സ്റ്റ​ഡി​യി​ലെ​ടു​ത്തു.

ശ്വാ​സം മു​ട്ടി​യാ​ണ് മ​ര​ണ​മെ​ന്ന് ഉ​റ​പ്പി​ച്ചെ​ങ്കി​ലും കൃ​ത്യ​ത്തി​ന് പി​ന്നി​ലാ​രാ​ണെ​ന്ന് ക​ണ്ടെ​ത്താൻ പൊ​ലീ​സി​ന് ക​ഴി​ഞ്ഞി​ട്ടി​ല്ല. എന്നാൽ അ​ന്വേ​ഷ​ണം ശക്തമായതോടെ പ്ര​ദേ​ശ​വാ​സി​ക​ളും മ​യ​ക്കു​മ​രു​ന്ന് ഇ​ട​പാ​ടു​കാ​രു​മായ ര​ണ്ട് യു​വാ​ക്കളെ പ്ര​ദേ​ശ​ത്ത് നി​ന്ന് കാണാതായി. അതുകൊണ്ടുതന്നെ സംശയാസ്പദമായി യുവാക്കളെ കാണാതായതിനു പിന്നിൽ ലി​ഗ​യു​ടെ മ​ര​ണ​വു​മാ​യി ബ​ന്ധ​മു​ണ്ടോ​യെ​ന്ന് പൊ​ലീ​സ് അ​ന്വേ​ഷി​ക്കു​ന്നു​.

പ​ന​ത്തുറ പു​നം​തു​രു​ത്തി​ലെ ചെ​ന്തി​ലാ​ക്ക​രി​യി​ലേ​ക്കു​ള്ള വ​ഴി​യി​ലും ക​ട​ത്തു​ക​ട​വി​ലും താ​മ​സി​ക്കു​ന്ന​വ​രേ​യും ക​യർ തൊ​ഴി​ലാ​ളി​ക​ളേ​യും പൊ​ലീ​സ് ആ​വർ​ത്തി​ച്ച് ചോ​ദ്യം ചെ​യ്യു​ന്നു​ണ്ട്. ചീ​ട്ടു​ക​ളി​ക്കാ​നും മ​റ്റും ചെ​ന്തി​ല​ക്ക​രി​യിൽ വ​രാ​റു​ള്ള ഏ​താ​നും യു​വാ​ക്ക​ളെ പൊ​ലീ​സ് ക​ഴി​ഞ്ഞ​ദി​വ​സ​ങ്ങ​ളിൽ ചോ​ദ്യം ചെ​യ്ത് വി​ട്ട​യ​ച്ചി​രു​ന്നെ​ങ്കി​ലും ശ്വാ​സം മു​ട്ടി​യാ​ണ് മ​ര​ണ​മെ​ന്ന റി​പ്പോർ​ട്ട് പു​റ​ത്താ​യ​തോ​ടെ ഇ​വ​രെ വീ​ണ്ടും വ​രു​ത്തി മൊ​ഴി​യെ​ടു​ക്കു​ന്നു​ണ്ട്.

അതേസമയം മൃ​ത​ദേ​ഹം ക​ണ്ടെ​ത്തിയ വി​വ​രം പു​റം ലോ​ക​ത്തെ അ​റി​യി​ച്ച മീൻ​പി​ടി​ക്കാ​നെ​ത്തിയ യു​വാ​ക്ക​ളു​ടെ സം​ഘ​ത്തെ​യും പൊ​ലീ​സ് വീ​ണ്ടും ചോ​ദ്യം ചെ​യ്യു​ന്നു​ണ്ട്. ലിഗ ക​ട​വി​ലേ​ക്ക് ന​ട​ന്നു​പോ​കു​ന്ന​തും കാ​യ​ലിൽ കു​ളി​ക്കു​ന്ന​തും ക​ണ്ട​താ​യി സ​മീ​പ​വാ​സി​യായ സ്ത്രീ പ​റ​ഞ്ഞി​രു​ന്നു​വെ​ന്ന യു​വാ​ക്ക​ളു​ടെ വെ​ളി​പ്പെ​ടു​ത്ത​ലി​ന്റെ അ​ടി​സ്ഥാ​ന​ത്തിൽ ഇ​വ​രെ​യും വി​ശ​ദ​മാ​യി ചോ​ദ്യം ചെ​യ്യാൻ വി​ളി​പ്പി​ച്ചി​ട്ടു​ണ്ട്. എ​ന്നാൽ ലി​ഗ​യെ ക​ണ്ട വി​വ​രം ഇ​വർ പൊ​ലീ​സി​നോ​ട് നി​ഷേ​ധി​ച്ച​താ​യാ​ണ് സൂ​ച​ന.

ലി​ഗ​യെ മ​രി​ച്ച നി​ല​യിൽ ക​ണ്ടെ​ത്തിയ സ്ഥ​ലം മ​യ​ക്കു​മ​രു​ന്ന് ഉ​പ​യോ​ഗി​ക്കു​ന്ന​വ​രു​ടെ കേ​ന്ദ്ര​മാ​ണ്. ഇ​വി​ടു​ത്തെ മ​യ​ക്കു​മ​രു​ന്ന്, മ​ദ്യ​പാന സം​ഘ​ത്തെ ചു​റ്റി​പ്പ​റ്റി​യാ​ണ് അ​ന്വേ​ഷ​ണം മു​ന്നേ​റു​ന്ന​ത്. ചെ​ന്തി​ലാ​ക്ക​രി​യ്ക്ക് എ​തിർ​വ​ശ​മു​ള്ള വെ​ള്ള​ച്ചിറ മാ​റ​യെ​ന്ന സ്ഥ​ല​വും മ​യ​ക്കു​മ​രു​ന്ന് ഉ​പ​യോ​ഗി​ക്കു​ന്ന​വ​രു​ടെ സ​ങ്കേ​ത​മാ​ണ്.