ഏറെ നാളായി ഒഴിഞ്ഞുകിടക്കുന്ന സംസ്ഥാന മനുഷ്യാവകാശ കമ്മീഷന് അധ്യക്ഷ സ്ഥാനത്ത് കേരള ഹൈക്കോടതി ചീഫ് ജസ്റ്റിസ് ആന്റണി ഡൊമിനിക് നിയമിതനാകും.
മേയ് ഒടുവില് ചീഫ് ജസ്റ്റിസ് സ്ഥാനത്ത് നിന്നും വിരമിക്കുന്ന ആന്റണി ഡൊമിനിക്കിനോട് കമ്മീഷന് അധ്യക്ഷ സ്ഥാനം ഏറ്റെടുക്കണമെന്ന് സര്ക്കാര് അഭ്യര്ത്ഥിച്ചു കഴിഞ്ഞു. ഒരു മാസം മുമ്പാണ് അഡ്വക്കേറ്റ് ജനറല് സി.പി.സുധാകര് പ്രസാദ് വഴി ചീഫ് ജസ്റ്റിസുമായി സര്ക്കാര് ബന്ധപ്പെട്ടത്.
മുഖ്യമന്ത്രിയും കമ്മീഷന് ആക്റ്റിംഗ് അധ്യക്ഷന് പി.മോഹനദാസും നേരിട്ട് ഏറ്റുമുട്ടുകയാണ്. കഴിഞ്ഞ ദിവസം മുഖ്യമന്ത്രിയാണ് വിവാദത്തിന് തുടക്കമിട്ടത്. തുടര്ന്ന് പി.മോഹനദാസ് മുഖ്യമന്ത്രിയെ അതേ നാണയത്തില് തിരിച്ചടിച്ചു. സര്ക്കാരും കമ്മീഷനും തമ്മില് ചരിത്രത്തില് ആദ്യമായാണ് ഏറ്റുമുട്ടുന്നത്.
മനുഷ്യാവകാശ കമ്മീഷന് ഒരു സ്റ്റാറ്റിയൂട്ടറി സ്ഥാപനമാണ്. അതിന്റെ തലപ്പത്തിരിക്കുന്നവര് സാധാരണ വിവാദങ്ങള്ക്ക് നില്ക്കാറില്ല. മുമ്പ് മുന് ഹൈക്കോടതി ആക്റ്റിംഗ് ചീഫ് ജസ്റ്റിസ് വി .പി .മോഹന്കുമാര് കമീഷന് ചെയര്മാനായിരിക്കെ മുഖ്യമന്ത്രിയായിരുന്ന വി എസ് അച്ചുതാനന്ദനുമായി ഏറ്റുമുട്ടി. അന്ന് ജസ്റ്റിസ് മോഹന്കുമാര് ഒരക്ഷരം പോലും മുഖ്യമന്ത്രിക്കെതിരെ ശബ്ദിച്ചില്ല. രാഷ്ട്രീയക്കാരോട് ഏറ്റുമുട്ടേണ്ട പദവിയല്ല മനുഷ്യാവകാശ കമ്മീഷന് ചെയര്മാന്റേത്.
സുപ്രീം കോടതി ചീഫ് ജസ്റ്റിനെതിരെ നിരവധി വിവാദങ്ങള് ഉണ്ടായിട്ടും അദ്ദേഹം പരസ്യ പ്രതികരണം നടത്തിയിട്ടില്ല. സഹജഡ്ജിമാര് പത്രസമ്മേളനം നടത്തിയിട്ട് പോലും ജസ്റ്റിസ് ദീപക് മിശ്ര ഒരക്ഷരം പരസ്യമായി പ്രതികരിച്ചില്ല. അങ്ങനെ പ്രതികരിക്കരുതെന്ന് സുപ്രീം കോടതി ചീഫിനറിയാം. ജഡ്ജിമാര് സംസാരിക്കേണ്ടത് ഉത്തരവുകളിലൂടെയാണ്. ചാനലിലൂടെയല്ല.
പത്രങ്ങളിലൂടെയുമല്ല.
കമ്മീഷന് അധ്യക്ഷനായിരുന്ന ജസ്റ്റിസ് ജെ.ബി.കോശി ഒരു ഘട്ടത്തില് പോലും ഇത്തരമൊരു വിവാദത്തിന് നിന്നിട്ടില്ല. ജസ്.ജെ.ബി.കോശി വിരമിച്ചപ്പോള് നിയമപ്രകാരം കമ്മീഷന് ആക്റ്റിീ ഗ് അധ്യക്ഷന് ആകേണ്ടിയിരുന്നത് മനുഷ്യാവകാശ കമ്മീഷന് അംഗം കെ.മോഹന്കുമാറാണ്. അദ്ദേഹം കോണ്ഗ്രസിന്റെ നിയമസഭാംഗമായിരുന്നു. യു ഡി എഫ് സര്ക്കാരിന്റെ കാലത്ത് കമ്മീഷനിലെ മുതിര്ന്ന അംഗമായിരുന്ന കെ ഇ ഗംഗാധരനെയാണ് ആക്റ്റിംഗ് അധ്യക്ഷനാക്കിയത്. ഗംഗാധരന് അഴീക്കോടന് രാഘവന്റെ മരുമകനാണ്. മോഹന്കുമാര് സര്ക്കാരിന്റെ എതിര് ചേരിക്കാരനായതിനാലാണ് പി.മോഹനദാസിന് ചുമതല നല്കിയത്. അവര് തമ്മിലാണ് ഇപ്പോള് തെറ്റിയത്.
എന്നാല് ഇപ്പോഴുണ്ടായ വിവാദങ്ങളുടെ പശ്ചാത്തലത്തിലല്ല ജസ്റ്റിസ് ആന്റണി ഡൊമിനിക്കിനെ നിയമിക്കുന്നത്. ഹൈക്കോടതി ചീഫ് ജസ്റ്റിസാണ് കമ്മീഷന് ചെയര്മാന് അകേണ്ടത്. ചീഫ് ജസ്റ്റിസില്ലാത്ത കമ്മീഷന് നിയമപ്രകാരം പ്രവര്ത്തിക്കരുതെന്ന് മുമ്പ് ഹൈക്കോടതി പറഞ്ഞിട്ടുണ്ട്.
https://www.facebook.com/Malayalivartha
