കേരളത്തിലെ ചില പ്രദേശങ്ങളിൽ ഇടിയോടുകൂടിയ കനത്ത മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി. പ്രധാനമായും തെക്കൻ ജില്ലകളായ തിരുവനന്തപുരം, കൊല്ലം, പത്തനംതിട്ട, ഇടുക്കി എന്നിവിടങ്ങളിൽ കനത്ത മഴയുണ്ടാകുമെന്നും റിപ്പോർട്ടുകളുണ്ട്. അതിനാൽ തന്നെ ഇവിടങ്ങളിലെ ജില്ലാ ഭരണാധികാരികൾക്ക് അധികൃതർ ജാഗ്രത നിർദ്ദേശം നൽകിയിട്ടുണ്ട്.

അതേസമയം കേരളത്തിന്റെ തീരപ്രദേശങ്ങളിൽ ഇന്ന് രാത്രി വരെ കൂറ്റൻ തിരമാലകൾക്ക് സാധ്യതയെന്നും മത്സ്യത്തൊഴിലാളികൾ കടലിൽ പോകരുതെന്നും നിർദ്ദേശമുണ്ട്.