ഇങ്ങനെയും സംഭവിക്കുമോ? ഒരു കുടുംബത്തിലെ 11 പേര്കൊല്ലപ്പെട്ടു;പോലീസ് കണ്ടെത്തിയ കാര്യങ്ങള് കേട്ട് ഞെട്ടി ലോകം; അസ്വഭാവിക സംഭവത്തില് ആശങ്കയില് ഉദ്യോഗസ്ഥരും
ഒരു കുടുംബത്തിലെ 11 പേര്കൊല്ലപ്പെട്ട സംഭവത്തില് പൊലീസിന്റെ കണ്ടെത്തലുകളില് ഞെട്ടിയിരിക്കുകയാണ് ലോകം. വടക്കന് ഡല്ഹിയിലെ 11 പേരുടെ ലപാതകത്തില് അവരുടെ മനോനിലയില് സംശയം പ്രകടിപ്പിച്ചു പൊലീസ്. കുടുംബത്തിലുള്ളവര്ക്കു മതിഭ്രമം ഉണ്ടായിരുന്നുവെന്നാണ് പൊലീസിന്റെ സംശയം. കുടുംബത്തിലുള്ളവര് അയല്ക്കാരെ സഹായിക്കാന് മുന്പന്തിയിലായിരുന്നെങ്കിലും പലരും സ്വന്തം കാര്യങ്ങള് കുടുംബത്തിനു പുറത്തുള്ളവരോടു പങ്കുവച്ചിരുന്നില്ല. അതുതന്നെയാണ് ആവരില് പങ്കാളിത്ത മതിഭ്രമത്തിന്റെ ലക്ഷണങ്ങള് കാട്ടിയെന്ന നിഗമനത്തില് പൊലീസില് എത്തി നില്ക്കുന്നത്
യാഥാര്ഥ്യവുമായി അല്പം പോലും ബന്ധമില്ലാത്ത വിശ്വാസമാണ് മതിഭ്രമം അഥവാ ഡില്യൂഷന്. ഇതിനെ മിഥ്യാബോധമെന്നും വിളിക്കാം. മനോരോഗ ലക്ഷണമായാണ് ഇത് കണക്കാക്കപ്പെടുന്നത്. ഡില്യൂഷനുകളുടെ പ്രമേയങ്ങള് പലപ്പോഴും വളരെ വിചിത്രമായിരിക്കും. തങ്ങള് ദൈവദൂതന്മാരാണെന്നും, ഭൂമിയിലെ തങ്ങളുടെ ദൗത്യത്തെ സംബന്ധിച്ച സന്ദേശങ്ങള് ദൈവം നിരന്തരം അയച്ചുകൊണ്ടിരിക്കുകയാണെന്നും ചില മനോരോഗികള് കരുതാറുണ്ട്. തങ്ങളുടെ വിശ്വാസങ്ങള്ക്ക് വിരുദ്ധമായ വസ്തുതകളും തെളിവുകളും എത്ര തന്നെ ലഭിച്ചാലും ഇവര് തങ്ങളുടെ മതിഭ്രമം മുറുകെ പിടിച്ചുകഴിയുന്നു.
ഈ കേസില് ലളിത് ഭാട്ടിയ (45) മരിച്ച പിതാവുമായി സംഭാഷണത്തില് ഏര്പ്പെട്ടിരുന്നു. അദ്ദേഹത്തിന്റെ വിശ്വാസം മറ്റു കുടുംബാംഗങ്ങളിലേക്കും പകരുകയായിരുന്നു എന്ന് മുതിര്ന്ന പൊലീസ് ഉദ്യോഗസ്ഥന് വ്യക്തമാക്കി.
ഭാട്ടിയ കുടുംബം ഒരിക്കല്പ്പോലും അയല്ക്കാരെ വീട്ടിലേക്കു ക്ഷണിച്ചിരുന്നില്ലെന്ന് അയല്വാസിയായ ഒരാള് ദേശീയമാധ്യമത്തോടു പറഞ്ഞു. അവര് സൗഹാര്ദപരമായും ഊഷ്മളമായും പെരുമാറുവായിരുന്നെങ്കിലും എല്ലാവരും ഉള്ളിലേക്കുതന്നെ വലിഞ്ഞിരുന്നു. ഒന്നും പുറത്തുപറഞ്ഞിരുന്നില്ല. മാത്രമല്ല, സംശയാസ്പദ സാഹചര്യത്തില് വീട്ടില്നിന്നു പുറത്തേക്കു തള്ളിനില്ക്കുന്ന രീതിയില് കണ്ടെത്തിയ 11 പൈപ്പുകള് മൂന്നോ നാലോ മാസങ്ങള്ക്കുമുന്പാണു സ്ഥാപിച്ചതെന്നും അയല്ക്കാര് പറയുന്നു
https://www.facebook.com/Malayalivartha
