ട്രായ് തലവന്‍ ആര്‍.എസ്.ശര്‍മയുടെ ആധാര്‍ വിവരങ്ങള്‍ ചോര്‍ന്നിട്ടില്ല എന്ന വിശദീകരണവുമായി യുഐഡിഎഐ. ആധാര്‍ ഡേറ്റാ ബേസില്‍ നിന്നോ സെര്‍വറുകളില്‍ നിന്നോ വിവരങ്ങള്‍ ചോര്‍ന്നിട്ടില്ല. അതേസമയം ഗൂഗിള്‍ ചെയ്ത് ലഭിച്ച വിവരങ്ങള്‍ പരസ്യപ്പെടുത്തിയാണ് ചോര്‍ന്നതെന്ന പേരില്‍ പ്രചരിപ്പിച്ചതെന്നും യുഐഡിഎഐ വ്യക്തമാക്കി.

ശര്‍മയുടെ അക്കൗണ്ടിലേക്ക് ഹാക്കര്‍മാര്‍ ഒരു രൂപ നിക്ഷേപിക്കുക വരെ ചെയ്തു. ആധാര്‍ സുരക്ഷിതമല്ലെന്ന് തെളിഞ്ഞെന്നായിരുന്നു ഇതിലൂടെ ഹാക്കര്‍മാരുടെ വാദം. ആധാർ വിവരങ്ങൾ വ്യാപകമായി ദുരുപയോഗം ചെയ്യപ്പെട്ടേക്കുമെന്ന ചർച്ച സജീവമാകുകയും വിവാദങ്ങൾക്ക് വഴിവയ്ക്കുകയും ചെയ്തതോടെയാണ് സ്വന്തം ആധാർ നമ്പർ ട്വിറ്ററിൽ പരസ്യപ്പെടുത്തി ആർ.എസ്.ശർമ ഹാക്കർമാരെ വെല്ലുവിളിച്ചത്. വെറുമൊരു നമ്പർ കൊണ്ട് ആർക്കും ഒന്നും ചെയ്യാനാകില്ലെന്നും ശർമ പറഞ്ഞിരുന്നു. ഇതിനു പിന്നാലെയാണ് ശർമയുടെ വ്യക്തിഗതവിവരങ്ങൾ ഹാക്കർമാർ പരസ്യപ്പെടുത്തിയത്. മൊബൈൽ നമ്പർ സംബന്ധിച്ച വിവരങ്ങളും ജനനത്തീയതിയും പാൻ കാർഡ് നമ്പറുമെല്ലാം ഇങ്ങനെ പുറത്തുവന്നു.

ആധാര്‍ വിവരങ്ങള്‍ വ്യാപകമായി ദുരുപയോഗം ചെയ്യപ്പെട്ടേക്കുമെന്ന ചര്‍ച്ച സജീവമാകുകയും വിവാദങ്ങള്‍ക്ക് വഴിവയ്ക്കുകയും ചെയ്തതോടെയാണ് സ്വന്തം ആധാര്‍ നമ്പര്‍ ട്വിറ്ററില്‍ പരസ്യപ്പെടുത്തി ആര്‍.എസ്.ശര്‍മ ഹാക്കര്‍മാരെ വെല്ലുവിളിച്ചത്. വെറുമൊരു നമ്പര്‍ കൊണ്ട് ആര്‍ക്കും ഒന്നും ചെയ്യാനാകില്ലെന്നും ശര്‍മ പറഞ്ഞിരുന്നു. ഇതിനു പിന്നാലെയാണ് ശര്‍മയുടെ വ്യക്തിഗതവിവരങ്ങള്‍ ഹാക്കര്‍മാര്‍ പരസ്യപ്പെടുത്തിയത്. മൊബൈല്‍ നമ്പര്‍ സംബന്ധിച്ച വിവരങ്ങളും ജനനത്തീയതിയും പാന്‍ കാര്‍ഡ് നമ്പറുമെല്ലാം ഇങ്ങനെ പുറത്തുവന്നു.