മെഷീന് ലേണിംങ് അല്ഗോരിതം; വെയ്റ്റിംഗ് ലിസ്റ്റിലുള്ള റെയില്വേ ടിക്കറ്റുകള് കണ്ഫേമാകുന്നതിന്റെ സാധ്യത അറിയാന് പ്രത്യേക സംവിധാനം
ന്യൂഡല്ഹി: വെയ്റ്റിംഗ് ലിസ്റ്റിലുള്ള റെയില്വേ ടിക്കറ്റുകള് കണ്ഫേം ആകുന്നതിന്റെ സാധ്യത ടിക്കറ്റ് ബുക്ക് ചെയ്യുന്ന സമയത്തു തന്നെ അറിയുന്നതിനുള്ള സംവിധാനം ഈ വര്ഷം ജൂണ് മുതല് റെയില്വേ നടപ്പിലാക്കിയിട്ടുണ്ടെന്ന് കേന്ദ്ര റെയില്വേ സഹമന്ത്രി ശ്രീ. രാജെയ്ന് ഗൊഹെയ്ന് രാജ്യസഭയില് രേഖാമൂലം അറിയിച്ചു.
നിലവില് ഇന്ത്യന് റെയില്വേ കാറ്ററിംഗ് ആന്റ് ടൂറിസം കോര്പ്പറേഷന് (ഐ.ആര്.സി.ടി.സി) വെബ്സൈറ്റ് വഴി ടിക്കറ്റ് ബുക്ക് ചെയ്യുമ്പോഴാണ്, വെയ്റ്റിംഗ് ലിസ്റ്റിലുള്ള ടിക്കറ്റ് കണ്ഫേം ആവാനുള്ള സാധ്യത അറിയാനാവുക. ജനറല് ക്വാട്ട ടിക്കറ്റുകളുടെ സാധ്യത മാത്രമേ ഇങ്ങനെ അറിയാനാകൂ.
മെഷീന് ലേണിംഗിന്റെ അല്ഗോരിതം ഉപയോഗിച്ചാണ് പുതിയ സംവിധാനം വികസിപ്പിച്ചത്. കഴിഞ്ഞ 2 വര്ഷങ്ങളില് വെയ്റ്റിംഗ് ലിസ്റ്റിലുള്ള യാത്രക്കാരുടെ വിവരങ്ങളും (പി.എന്.ആര്) ഇതിനായി ഉപയോഗിച്ചു. വിവിധ വെയ്റ്റ് ലിസ്റ്റിംഗ് സാഹചര്യങ്ങള് സൃഷ്ടിച്ച് അതാത് സമയത്ത് ടിക്കറ്റ് കണ്ഫേം ആവാനുള്ള സാധ്യത ഈ സംവിധാനം വ്യക്തമാക്കും.
മുന് വര്ഷം ഇതേ സമയത്ത് വെയ്റ്റിംഗ് ലിസ്റ്റിലുള്ള ടിക്കറ്റ് കണ്ഫേം ആയിട്ടുണ്ടോ എന്നതു സംബന്ധിച്ച വിവരങ്ങള് ഈ സംവിധാനത്തില് കാണിക്കും. അവധിക്കാലങ്ങളില് വെയ്റ്റിംഗ് ലിസ്റ്റിലുള്ളവരുടെ ബാഹുല്യം ഈ സംവിധാനം വികസിപ്പിക്കുമ്പോള് പരിഗണിച്ചിട്ടുണ്ട്.
https://www.facebook.com/Malayalivartha
