എംഎല്എയുടെ മകന് റെയില്വേ ട്രാക്കില് മരിച്ച നിലയില്, കൊലപാതകമെന്ന് ആരോപണം
ജനതാ ദള് യുണൈറ്റഡ് (ജെഡിയു) എംഎല്എയുടെ മകനെ മരിച്ച നിലയില് കണ്ടെത്തി. എംഎല്എ ബിമ ഭാരതിയുടെ മകനെയാണ് റെയില്വെ ട്രാക്കില് നിന്നും മരിച്ച നിലയില് കണ്ടെത്തിയത്. പട്നയിലെ രാജേന്ദ്ര നഗര് ടെര്മിനലിന്റെ സമീപം നിന്നാണ് മൃതദേഹം കണ്ടെത്തിയത്.
ബീമ ഭാരതിയുടെ മകന് ദീപക്കിന്റെ മൃതദേഹം ടെര്മിനലിന് സമീപമുള്ള മെഡിക്കല് കോളേജ് ആശുപത്രിയുടെ മുന്നിലുള്ള റെയില്വെ ട്രാക്കില് നിന്നുമാണ് കണ്ടെത്തിയത്. ആത്മഹത്യയല്ല കൊലപാതകമാണിതെന്നാണ് ബന്ധുക്കള് ആരോപിക്കുന്നത്. സംഭവത്തില് അന്വേഷണം ആരംഭിച്ചതായി പോലീസ് പറഞ്ഞു. സുഹൃത്തിന്റെ വീട്ടില് ഒരു പാര്ട്ടിയില് പങ്കെടുക്കാന് പോയതായിരുന്നു ദീപക് എന്നാണ് ബന്ധുക്കള് പറഞ്ഞത്.
അതേസമയം ദീപക് ആത്മഹത്യ ചെയ്തതാണെന്ന വിവരങ്ങളും പുറത്തെത്തുന്നുണ്ട്. എന്നാല് തന്റെ മകന് ആത്മഹത്യ ചെയ്യില്ലെന്നും ഇത് കൊലപാതകം തന്നെയാണെന്നുമാണ് ബിമ പറയുന്നത്. സംഭവത്തില് അഞ്ച് പേരാണ് പ്രതികള് എന്ന് എംഎല്എയുടെ ഭര്ത്താവ് അവ്ദേഷ് മന്ദല് ആരോപിക്കുന്നു
https://www.facebook.com/Malayalivartha