അടുത്ത ഇന്ദിരയാകാന് പ്രിയങ്കയ്ക്കാകുമോ രാജ്യം ഉറ്റുനോക്കുന്നു....അമേഠിയില് രാഹുല് തന്നെ, റായ് ബറേലിയില് സോണിയക്ക് പകരം പ്രിയങ്ക വഡേര ? 2019ലെ ലോകസഭാ തിരഞ്ഞെടുപ്പ് കോണ്ഗ്രസിന് നിര്ണായകം
ഇന്ദിരയുടെ മുഖവുമായി എത്തുന്ന പ്രിയങ്കയ്ക്ക് അവരുടെ പകരക്കാരിയാകാനാകുമോ. മോദിയുടെ കിരാത ഭരണം അവസാനിപ്പിക്കാന് പ്രിയങ്ക എത്തണമെന്നാണ് പ്രവര്ത്തകരുടെ ആവശ്യം. വരാനിരിക്കുന്ന ലോകസഭാ തെരഞ്ഞെടുപ്പില് രാഹുല് ഗാന്ധി തന്റെ സ്വന്തം മണ്ഡലമായ ഉത്തര്പ്രദേശിലെ അമേഠിയില് നിന്നും മത്സരിക്കും. എന്നാല്, മുന് കോണ്ഗ്രസ് അധ്യക്ഷ സോണിയാ ഗാന്ധിയുടെ മണ്ഡലമേതെന്ന കാര്യത്തില് ഇതുവരെ തീരുമാനം കൈക്കൊണ്ടിട്ടില്ലെന്ന് ദേശീയ വാര്ത്താ ഏജന്സിയായ എഎന്ഐ റിപ്പോര്ട്ട് ചെയ്യുന്നു. അതേസമയം, മകളായ പ്രിയങ്കാ വഡേര സോണിയയുടെ റായ് ബറേലി മണ്ഡലത്തില് നിന്നും മത്സരിക്കുമെന്ന് റിപ്പോര്ട്ടുകള് ഉയരുന്നുണ്ട്. ലോകസഭാ തിരഞ്ഞെടുപ്പിലൂടെ സജീവ രാഷ്ട്രീയത്തിലേക്ക് ഇറങ്ങുവാനുള്ള ഒരുക്കമാണ് പ്രിയങ്ക നടത്തുന്നതെന്നാണ് റിപ്പോര്ട്ടുകള്.
ചില ആരോഗ്യപ്രശ്നങ്ങള് കാരണമാണ് പാര്ട്ടിയുടെ അധികാരം അടക്കമുള്ളത് മകനെ ഏല്പ്പിക്കാന് തയ്യാറായത്. വരാനിരിക്കുന്ന തെരഞ്ഞെടുപ്പില് തന്റെ മണ്ഡലം മകള്ക്കും നല്കി വിശ്രമ ജീവിതത്തിലേക്ക് കടക്കുന്നുവെന്നാണ് രാഷ്ട്രീയ നിരീക്ഷകരുടെ വാദം. രാഹുലിന് പകരം പ്രിയങ്കയെ പ്രധാനമന്ത്രി സ്ഥാനാര്ത്ഥിയാക്കി ഉയര്ത്തുമോ എന്നാണ് എല്ലാവരും ഉറ്റുനോക്കുന്നത്.
2004ലെ സജീവ രാഷ്ട്രീയ പ്രവേശനം മുതല് രാഹുലിനെ കൈവിടാത്ത മണ്ഡലമാണ് അമേഠി. തുടര്ന്ന് 2009ലും 2014ലും രാഹുല് ഇവിടെ നിന്നും വിജയിച്ച് ലോക് സഭയിലെത്തി. നെഹ്രു കുടുംബത്തെ ഒരിക്കലും ചതിക്കാത്ത മണ്ഡലമാണ് അമേഠി. രാഷ്ട്രീയ കുടുംബത്തിലെ നാല് പേരും ഇവിടെനിന്നും തന്നെയാണ് ജനവിധി സ്വീകരിച്ചത്. സഞ്ജയ് ഗാന്ധി, രാജീവ് ഗാന്ധി, സോണിയാ ഗാന്ധി, രാഹുല് ഗാന്ധി എന്നിങ്ങനെ നീളുന്നു ആ പരമ്പര.
https://www.facebook.com/Malayalivartha