ചാനൽ സര്വ്വേ വിജയം പ്രഖ്യാപിച്ചെങ്കിലും കനത്ത തിരിച്ചടിയാകുമെന്ന് കോണ്ഗ്രസ് രഹസ്യ സർവ്വേ
പൊതുതെരഞ്ഞെടുപ്പില് കോണ്ഗ്രസിന് കേരളത്തില് 16 സീറ്റ് കിട്ടുമെന്ന് ചില ചാനലുകളുടെ സര്വ്വേ പ്രഖ്യാപിച്ചെങ്കിലും കനത്ത തിരിച്ചടിയാകുമെന്ന് പാര്ട്ടി തന്നെ അനൗദ്യോഗികമായി നടത്തിയ സര്വ്വേ റിപ്പോര്ച്ചില് പറയുന്നു. പ്രി ക്യാംപെയിന് അസെസ്മെന്റ് എന്ന പേരില് നടത്തിയ സര്വേയിലാണ് വലിയ തിരിച്ചടി ഉണ്ടാകുമെന്ന് കണ്ടെത്തിയിരിക്കുന്നത്. പല സീറ്റുകളും നഷ്ടമാകുമെങ്കിലും നാല് മണ്ഡലങ്ങള് ഒഴികെ ഏതൊക്കെ സീറ്റുകളില് ജയിക്കുമെന്ന് വ്യക്തതയുമില്ല. ഇടുക്കി തിരിച്ചുപിടിക്കാനാണ് ഉമ്മന് ചാണ്ടിയെ തിരിച്ചുവിളിക്കണമെന്ന് പലരും മുറവിളി കൂട്ടുന്നത്. താഴേത്തട്ടിലെ പ്രവര്ത്തനം മോശമാണെന്നാണ് വിലയിരുത്തല്. എന്നാല് ഇത്തരം സര്വ്വേ നടത്തിയിട്ടില്ലെന്ന് പ്രതിപക്ഷനേതാവ് രമേശ് ചെന്നിത്തലയുടെ ഓഫീസ് അറിയിച്ചു.
എം.എം ഹസന് കെ.പി.സി.സി പ്രസിഡന്റായിരുന്ന സമയത്ത് ബൂത്ത് കമ്മിറ്റികള് പുന:സംഘടിപ്പിച്ച് , പാര്ട്ടിയുടെ പ്രവര്ത്തനം അടിത്തട്ടില് ശക്തമാക്കിയിരുന്നു. പിന്നീട് എല്ലാം ആളൊഴിഞ്ഞ സര്ക്കാര് കൂടാരം പോലെയായെന്നും സര്വ്വേയില് പറയുന്നു. എറണാകുളം വയനാട് മലപ്പുറം തിരുവനന്തപുരം മണ്ഡലങ്ങളായിരിക്കും വിജയിക്കുക. അഞ്ച് മണ്ഡലങ്ങളില് പരാജയം ഉറപ്പാണെന്നും പറയുന്നു. എന്നാല് ഏറെ വിജയസാധ്യത വിലയിരുത്തുന്ന പത്തനംതിട്ട സീറ്റിനെ കുറിച്ച് വലിയ പ്രതീക്ഷയില്ലെന്നും പറയുന്നു. ഹൈന്ദവ വോട്ടുകള് ബി.ജെ.പിയിലും സി.പി.എമ്മിലും വിഭജിച്ച് പോകുമെന്നും കോണ്ഗ്രസിന് അത് തിരിച്ചടിയാകുമെന്നും വിലയിരുത്തുന്നതായി അറിയുന്നു.
യുവതീപ്രവേശനത്തെ അനുകൂലിച്ച് ശശിതരൂര് പാര്ലമെന്റില് ശശിതരൂര് പ്രസംഗമൊക്കെ നടത്തിയെങ്കിലും സ്വന്തം മണ്ഡലമായ തിരുവനന്തപുരത്ത് ഭക്തര്ക്കൊപ്പം നില്ക്കുന്ന യാതൊരു പരിപാടികളിലും പാര്ട്ടിയുടെയോ എം.പിയുടെയോ വലിയ സാനിധ്യമുണ്ടായിരുന്നില്ല. അതിനാല് ബി.ജെ.പി നടത്തിയ മുന്നേറ്റം മറികടക്കാന് ആയില്ലെന്നും റിപ്പോര്ട്ടില് കുറ്റപ്പെടുത്തുന്നു. ഒമ്പത് മണ്ഡലങ്ങളില് ഒന്നും പറയാന് കഴിയാത്ത അവസ്ഥയിലാണെന്നും പാര്ട്ടി വോട്ടുകള് ബി.ജെ.പിയുടെ പെട്ടിയിലേക്ക് വീഴുമെന്നും സംശയം രേഖപ്പെടുത്തുന്നു. സ്ഥാനാര്ത്ഥി നിര്ണയം കുറ്റമ്മതാക്കാമെങ്കില് അനിശ്ചിതാവസ്ഥയിലുള്ള സീറ്റുകളില് വിജയം ഉറപ്പിക്കാമെന്നും പറയുന്നു.
അതേസമയം സര്വ്വേയിലെ അഭിപ്രായങ്ങളോട് പല നേതാക്കള്ക്കും യോജിപ്പില്ല. ദേശീയ ചാനലുകള് നടത്തിയ സര്വ്വേയില് പാര്ട്ടി വലിയ മുന്നേറ്റം നടത്തുമെന്നാണ് പറയുന്നത്. മാത്രമല്ല ശബരിമല വിഷയത്തിലും മറ്റ് ജനകീയ പ്രശ്നങ്ങളിലും അക്രമരഹിത സമരം നടത്തിയത് കോണ്ഗ്രസാണ്. ജനങ്ങളെ ദ്രോഹിക്കുന്ന സര്ക്കാരിനെതിരെ പലതരത്തിലുള്ള ജനകീയ മുന്നേറ്റങ്ങള് നടത്താന് യു.ഡി.എഫിനായി എന്നും നേതാക്കള് പറയുന്നു.
https://www.facebook.com/Malayalivartha
