വധു ധരിച്ച ഗൗണ് ശരിയായില്ലെന്ന് പറഞ്ഞ് വരന്റെ സുഹൃത്തുക്കളുടെ പരിഹാസം: സാരി ഉടുക്കണമെന്ന് വരന്റെ ബന്ധുക്കളും തര്ക്കം മൂത്തപ്പോള് വിവാഹം തന്നെ വേണ്ടെന്ന് പറഞ്ഞ് വധുവും...
വിവാഹത്തിന് വില്ലനായി സാരി ഒടുവില് വിവാഹം വേണ്ടെന്നുവെച്ച് പെണ്കുട്ടി. മദ്ധ്യപ്രദേശിലെ രത്ലാമിലാണ് എന്ജിനീയറായ വല്ലഭ് പഞ്ചോളിയും, സര്ക്കാര് ജീവനക്കാരിയായ വര്ഷ സൊനാവയും തമ്മില് നടക്കേണ്ട വിവാഹം കൂട്ടയാടിയില് കലാശിച്ച് മുടങ്ങിയത്. നേരത്തേ ഇരു വീട്ടുകാരും തമ്മില് ചില അസ്വാരസ്യങ്ങള് ഉണ്ടായിരുന്നു. ബന്ധുക്കള് ഇടപെട്ട് പ്രശ്നങ്ങള് പരിഹരിച്ചാണ് വിവാഹം നടത്താന് തീരുമാനിച്ചത്. ചടങ്ങ് തുടങ്ങി അല്പം കഴിഞ്ഞതോടെ വരന്റെ വീട്ടുകാരാണ് പ്രശ്നം തുടങ്ങിയത്. വധു ധരിച്ച വേഷം ശരിയായില്ലെന്ന് വരന്റെ കൂട്ടുകാരില് ചിലര് പറഞ്ഞു.ബന്ധുക്കളില് ചിലരും ഇത് സമ്മതിച്ചു.
വേഷം മാറ്റിയേ പറ്റൂ എന്ന് അവര് നിര്ബന്ധം പിടിച്ചു. ധരിച്ചിരിക്കുന്ന ഗൗണ് മാറ്റി സാരി ഉടുക്കാനായിരുന്നു നിര്ദ്ദേശം. കൂടാതെ സാരിത്തലപ്പുകൊണ്ട് തല മറയ്ക്കണമെന്നും ആവശ്യപ്പെട്ടു. ഇതുകേട്ടതോടെ വധു കലിതുള്ളി. എന്തുസംഭവിച്ചാലും വേഷംമാറുന്ന പ്രശ്നമേ ഇല്ലെന്ന് വധു ഉറപ്പിച്ചുപറഞ്ഞു. വരന്റെ കൂട്ടര് ഇതിനെ എതിര്ത്തു.
അതോടെ വധുവിനെ അനുകൂലിച്ച് അവരുടെ ബന്ധുക്കളെത്തി. അല്പം കഴിഞ്ഞതോടെ കൂട്ട അടിയായി. കുട്ടികള് ഉള്പ്പെടെയുള്ളവര് ചിതറിയോടി. ചിലര് ഭക്ഷണവും വലിച്ചെറിഞ്ഞു. പൊലീസ് എത്തിയാണ് രംഗം ശാന്തമാക്കിയത്. തനിക്ക് ഈ വിവാഹം വേണ്ടെന്ന് വധു വാശിപിടിച്ചു. വരന്റെ കൂട്ടരുടെ നിലപാടും ഇതായിരുന്നു. പൊലീസിന്റെ മധ്യസ്ഥതയില് മണിക്കൂറുകളോളം ചര്ച്ച നടന്നെങ്കിലും ഫലമുണ്ടായില്ല.
https://www.facebook.com/Malayalivartha
