രക്തസാക്ഷി ദിനത്തില് ഗാന്ധിജിയുടെ കോലത്തിന് നേരെ വെടിയുതിര്ത്ത് ഹിന്ദുമഹാസഭാ നേതാവ്
മഹാത്മ ഗാന്ധിയുടെ രക്തസാക്ഷിത്വ ദിനത്തില് ഗാന്ധിയെ തന്നെ വീണ്ടും വെടിവച്ച് ഹിന്ദു മഹാസഭ നേതാവ്. ഹിന്ദു മഹാസഭ ദേശീയ സെക്രട്ടറി പൂജ ശകുന് പാണ്ഡെയാണ് അലിഗഡില് സംഘടിപ്പിച്ച ചടങ്ങില് പ്രതീകാത്മകമായി വെടിയുതിര്ക്കുകയായിരുന്നു അവര്. ഇവരുടെ നടപടി ദേശീയ മാധ്യമങ്ങളില് അടക്കം വലിയ വിവാദമായിട്ടുണ്ട്.
ഗാന്ധിയുടെ കോലത്തിന് നേരെ വെടിയുതിര്ക്കുകയും വെടിയേറ്റ് കോലത്തില് നിന്ന് ചോര ഒഴുകുന്നതായും ചടങ്ങില് പ്രദര്ശിപ്പിച്ചിരുന്നു. ഇതൂകൂടാതെ വെടിയുതിര്ക്കുന്നതായി അഭിനയിച്ച ശേഷം ഹിന്ദു മഹാസഭ നേതാവ് ഗോഡ്സെയുടെ പ്രതിമയില് ഹാരാര്പ്പണവും നടത്തി. രാജ്യമൊട്ടാകെ ഗാന്ധിജിയുടെ രക്തസാക്ഷിത്വ ദിനം ആചരിക്കുന്നതിനിടെയാണ് ഹിന്ദുമഹാസഭ പ്രകോപനപരമായ പരിപാടി സംഘടിപ്പിച്ചത്. ചടങ്ങിന്റെ ദൃശ്യങ്ങള് ടൈംസ് നൗ ചാനലാണ് പുറത്ത് വിട്ടത്.
മഹാത്മാ ഗാന്ധി കൊല്ലപ്പെട്ട ജനുവരി 30 നെ നേരത്തെ ശൗര്യ ദിവസ് എന്ന പേരിലായിരുന്നു ഹിന്ദുമഹാ സഭ ആചരിച്ചിരുന്നത്. ഇതിന്റെ ഭാഗമായി മധുരവിതരണവും നാഥൂറാം വിനായക് ഗോഡ്സെയുടെ പ്രതിമയില് ഹാരാര്പ്പണവും നേരത്തെ സംഘടന നടത്തിവന്നിരുന്നു.
ഇതിന് പിറകെയാണ് ഇത്തവണ ഗാന്ധിജിയുടെ കോലത്തെ വെടിവയ്ക്കുന്നതുള്പ്പെടെയുള്ള പരിപാടികളുമായി സംഘടന രംഗത്തെത്തിയത്. ഇന്ത്യാ വിഭജനത്തിന്റെ കാരണക്കാരനായാണ് ഗാന്ധിജിയെ ഹിന്ദു മഹാസഭ കണക്കാക്കുന്നത്. അതേസമയം ഈ നടപടിയ്ക്കെതിരെ വ്യാപക വിമര്ശനമാണ് സോഷ്യല് മീഡിയയില് ഉയരുന്നത്.
https://www.facebook.com/Malayalivartha
