ഇടക്കാല കേന്ദ്രബജറ്റ് ഇന്ന് രാവിലെ 11ന് ധനവകുപ്പിന്റെ ചുമതല വഹിക്കുന്ന മന്ത്രി പിയൂഷ് ഗോയല് ലോക്സഭയില് അവതരിപ്പിക്കും
ഇടക്കാല കേന്ദ്രബജറ്റ് ഇന്ന് രാവിലെ 11ന് ധനവകുപ്പിന്റെ ചുമതല വഹിക്കുന്ന മന്ത്രി പിയൂഷ് ഗോയല് ലോക്സഭയില് അവതരിപ്പിക്കും. ലോക്സഭ തെരഞ്ഞെടുപ്പു നേരിടാന് ഒരുങ്ങുന്ന മോദി സര്ക്കാറിന്റെ അവസാന ബജറ്റില് ജനപ്രിയത നേടാനുള്ള വാഗ്ദാനങ്ങള് പ്രതീക്ഷിക്കപ്പെടുന്നുണ്ട്. ആദായനികുതി ഇളവുപരിധി വര്ധിപ്പിച്ച് ഇടത്തരക്കാരെ സന്തോഷിപ്പിക്കാന് ബജറ്റിലൂടെ ശ്രമിക്കുമെന്നാണ് സൂചന.
കടുത്ത പ്രതിസന്ധി നേരിടുന്ന കാര്ഷിക മേഖലക്ക് വാഗ്ദാനങ്ങള് പ്രഖ്യാപിച്ച് കര്ഷകരെ സമാശ്വസിപ്പിക്കുന്നതും സര്ക്കാറിന്റെ പരിഗണനയിലുണ്ട്. ധനക്കമ്മി വര്ധിക്കാതെ എന്തൊക്കെ ഇളവുകളുടെ മേമ്പൊടി നല്കാനാവുമെന്നതാണ് വെല്ലുവിളി. ബജറ്റിന് മാര്ഗരേഖയാവുന്ന സാമ്പത്തിക സര്വേ ഇക്കുറിയില്ല.
പുതിയ സര്ക്കാര് അധികാരമേറ്റ ശേഷം അവതരിപ്പിക്കുന്ന ബജറ്റിനോപ്പമാവും നടപ്പു സാമ്പത്തിക വര്ഷത്തെ സാമ്പത്തിക സര്വേ പാര്ലമന്റെിന്റെ മേശപ്പുറത്ത് വെക്കുക. അടുത്ത സാമ്പത്തിക വര്ഷത്തേക്കാണ് ബജറ്റ് അവതരിപ്പിക്കുന്നതെങ്കിലും, തെരഞ്ഞെടുപ്പായത് കൊണ്ടാണ് ഇടക്കാല ബജറ്റ് വരുന്നത്.
ഏപ്രില് മുതല് പുതിയ സര്ക്കാര് അധികാരമേല്ക്കുന്നത് വരെയുള്ള മൂന്നു മാസത്തേക്ക് സര്ക്കാറിന്റെ ചെലവുകള് നടത്തുന്നതിനു ഖജനാവില്നിന്ന് പണം എടുക്കുന്നതിന് പാര്ലമന്റെിന്റെ അനുമതി തേടുന്ന വോട്ട് ഓണ് അക്കൗണ്ടാണ് ഫലത്തില് മോദിസര്ക്കാര് അവതരിപ്പിക്കുന്നത് പുതിയ സര്ക്കാറാണ് അടുത്ത സാമ്പത്തിക വര്ഷത്തെ സമ്പൂര്ണ ബജറ്റ് അവതരിപ്പിക്കേണ്ടത്.
https://www.facebook.com/Malayalivartha
