ഒരു നാടിനെ മുഴുവൻ വട്ടം ചുറ്റിച്ച് നടക്കുകയാണ് അരികള്ളൻ. ഭാത്ബൂട്ട് എന്ന ആനക്കുട്ടിയാണ് ഈ കള്ളൻ. പശ്ചിമബംഗാളിലെ ദുവാരസിലാണ് ഭാത്ബൂട്ടിനെ കാണാനാവുക. ചിലപട്ട വനത്തിലും ജല്‍ദാപറ നാഷണല്‍ പാര്‍ക്കിലുമൊക്കെയാണ് ഭാത്ബൂട്ട് അലഞ്ഞുതിരിയാറുള്ളത്. അഭിരൂപ് ചാറ്റര്‍ജി എന്നയാളാണ് ട്വിറ്ററില്‍ ഭാത്ബൂട്ടിനെക്കുറിച്ചുള്ള വിശേഷം പങ്കുവച്ചത്. കുട്ടി കൊമ്ബന്‍ ആള് ഒരു ആനക്കള്ളന്‍ തന്നെയാണ്. ചോറ് ആണ് ഇഷ്ടഭക്ഷണം. വീടുകളിലൊക്കെ പാകം ചെയ്ത് വച്ചിരിക്കുന്ന ചോറ് ജനാലയിലൂടെയും മറ്റും മോഷ്ടിക്കല്‍ ആണ് പ്രധാന ജോലി. ആദ്യം വീടിന് പരിസരത്ത് ചുറ്റി നടക്കും. ശേഷം ആരും ഇല്ലെന്ന് ഉറപ്പ് വരുത്തിയ ശേഷം ജനാലയിലൂടെ തുമ്ബി കൈ ഇട്ട് പാകം ചെയ്ത് വെയ്ക്കുന്ന ചോറ് കട്ട് തിന്നുവാന്‍ തുടങ്ങും.