വ്യാജ ഫേസ്​ബുക്ക്​ അക്കൗണ്ട്​ നിര്‍മ്മിച്ച്‌​ നടീ നടന്‍മാരില്‍ നിന്നും മറ്റും പണം തട്ടിയ യുവതിയെ പൊലീസ്​ അറസ്​റ്റ്​ ചെയ്​തു. തെലങ്കാന സ്വദേശിനി വൈ. ശ്രീലത(33)ആണ്​ അറസ്​റ്റിലായത്​​. ഈ നാട്​ ടെലിവിഷനിലെ (ഇ.ടി.വി) പ്രൊഡ്യൂസര്‍ ശ്രീദേവി തുമ്മലയുടെ പേരിലാണ്​ യുവതി വ്യാജ ഫേസ്​ബുക്ക്​ അക്കൗണ്ട്​ ഉണ്ടാക്കിയത്​. തുടര്‍ന്ന്​ ശ്രീദേവിയാണെന്ന്​ പറഞ്ഞ്​ വിശ്വസിപ്പിച്ച്‌​ സിനിമയിലും ടി.വി പരിപാടികളിലും അവസരം നല്‍കാമെന്ന്​ പറഞ്ഞ്​ നടീനടന്‍മാരില്‍ നിന്നും മറ്റ്​ ആളുകളില്‍ നിന്നും പണം തട്ടുകയായിരുന്നു.

50,000 രൂപ മുതല്‍ ആറ്​ ലക്ഷം രൂപ വരെ ഇവര്‍ ഇത്തരത്തില്‍ സ്വന്തം ബാങ്ക്​ അക്കൗണ്ടിലേക്ക്​ വാങ്ങിയെടുക്കുകയായിരുന്നു. ആഢംഭര ജീവിതത്തിനാണ്​ ഇവര്‍ ഇൗ പണം ഉപയോഗിച്ചത്​. 2018 ജൂലൈയിലാണ്​ ടെലിവിഷനില്‍ ശ്രീദേവി തുമ്മലയുടെ പേര്​ യുവതിയുടെ ശ്രദ്ധയില്‍ പെട്ടതും അവരുടെ പേരില്‍ വ്യാജ ഫേസ്​ബുക്ക്​ അക്കൗണ്ട്​ ഉണ്ടാക്കിയതും. യുവതിയുടെ പ്രവര്‍ത്തി സ്ഥാപനത്തി​​െന്‍റ സല്‍പേരിന്​ കളങ്കമുണ്ടാക്കിയതായി കാണിച്ച്‌​ ഇ.ടി.വി ഓപ്പറേഷന്‍ വിഭാഗം ചീഫ്​ മാനേജര്‍ ബി.വി.ആര്‍ മൂര്‍ത്തി നല്‍കിയ പരാതിയെ തുടര്‍ന്ന്​ പൊലീസ്​ യുവതിക്കെതിരെ വഞ്ചനാ കുറ്റത്തിന്​ കേസെടുത്തു. ഐ.ടി ആക്​ട്​ പ്രകാരമുള്ള കുറ്റവും ചുമത്തിയിട്ടുണ്ട്​.