ഭര്ത്താവിനു നല്കിയ വൃക്ക തിരികെവേണമെന്ന പരാതിയുമായി യുവതി പോലീസ് സ്റ്റേഷനില്!
ഭര്ത്താവിന് ദാനംചെയ്ത വൃക്ക തിരികെ ലഭിക്കണമെന്ന ആവശ്യവുമായി യുവതി പോലീസ് സ്റ്റേഷനെ സമീപിച്ചു.
മഹാരാഷ്ട്രയിലെ നാസിക് സ്വദേശിനിയായ 28-വയസുകാരി വൈശാലിയാണ് ഭര്ത്താവിന് നല്കിയ വൃക്ക തിരികെ ആവശ്യപ്പെട്ട് സാത്പൂര് പോലീസ് സ്റ്റേഷനിലെത്തിയത്.
അവരുടെ ഭര്ത്താവിന്റെ വൃക്കകള് തകരാറിലായത് കടുത്ത മദ്യപാനത്തെ തുടര്ന്നായിരുന്നു. ജീവന് അപകടത്തിലാകുമെന്ന ഘട്ടം വന്നപ്പോള് ഭാര്യ ഒരു വൃക്ക നല്കാന് തയാറായി. മേലില് മദ്യപിക്കരുതെന്ന് ആവശ്യപ്പെട്ടാണ് ഇവര് വൃക്ക നല്കിയത്.
ബന്ധുക്കള് യുവതിയെ പിന്തിരിപ്പിക്കാന് ശ്രമിച്ചുവെങ്കിലും ഇവര് തീരുമാനത്തില് നിന്നും പിന്നോട്ട് പോയില്ല. പിന്നീട് വൃക്ക മാറ്റി വയ്ക്കുകയും ഭര്ത്താവ് പൂര്ണ്ണാരോഗ്യം പ്രാപിക്കുകയും ചെയ്തു.
എന്നാല് ആരോഗ്യപ്രശ്നങ്ങളൊന്നും ഇല്ലെന്ന് ഉറപ്പായപ്പോള് ഭര്ത്താവ് വീണ്ടും മദ്യപാനം ആരംഭിക്കുകയായിരുന്നു.
ഇത് ചോദ്യം ചെയ്ത വൈശാലിയെ ഭര്ത്താവ് മര്ദ്ദിക്കുവാന് തുടങ്ങിയതോടെയാണ് താന് നല്കിയ വൃക്ക തിരികെ ലഭിക്കണമെന്ന ആവശ്യവുമായി ഇവര് പോലീസ് സ്റ്റേഷനെ സമീപിച്ചത്. എന്നാല് എന്ത് ചെയ്യണമെന്ന് അറിയാതെ കുഴങ്ങിയിരിക്കുകയാണ് പോലീസ് ഉദ്യോഗസ്ഥര്.
https://www.facebook.com/Malayalivartha