ഗതാഗത നിയമങ്ങളില്‍ ഒരു വിട്ടുവീഴ്ച്ചക്കും തയ്യാറല്ല എന്ന് ഒന്നുകൂടി വ്യക്തമാക്കി രംഗത്തെത്തിയിരിക്കുകയാണ് കേന്ദ്ര ഗതാഗത മന്ത്രാലയം. വീണ്ടും പുതുക്കിയ നിയമ പ്രകാരം ഹെല്‍മറ്റ് ധരിക്കാതെ വാഹനമോടിച്ചാല്‍ 1000 രൂപയാണ് പിഴ എന്നാലും അതുകൊണ്ടൊന്നും തീരുന്നില്ല, 3 മാസത്തേക്കു ലൈസന്‍സ് സസ്‌പെന്‍ഡ് ചെയ്യുമെന്നാണ് കേന്ദ്ര ഗതാഗത മന്ത്രാലയം അറിയിച്ചിരിക്കുന്നത്. പിന്നിലിരിക്കുന്നവര്‍ക്കും ഇനിമുതല്‍ എന്തായാലും ഹെല്‍മറ്റ് നിര്‍ബന്ധമാണ്.
കാറില്‍ 14 വയസില്‍ താഴെ പ്രായമുള്ള കുട്ടികളെ മുന്‍സീറ്റിലിരുത്തിയാല്‍ 1000 രൂപയാണ് പിഴ. കുട്ടികള്‍ക്കു പ്രത്യേക സീറ്റ് ഇല്ലാതെ യാത്രയ്ക്കും പിഴ 1000 രൂപ. എല്ലാ നിയമലംഘനങ്ങള്‍ക്കുമുള്ള ഏറ്റവും കുറഞ്ഞ പിഴ നിരക്കുകളാണു പറഞ്ഞിരിക്കുന്നതെന്നും സംസ്ഥാനങ്ങള്‍ക്ക് അതിന്റെ പത്തിരട്ടി വരെ നിശ്ചയിക്കാമെന്നും മന്ത്രാലയം വ്യക്തമാക്കി.

കാലാവധി കഴിഞ്ഞാലും ഒരു മാസം വരെ ഡ്രൈവിങ് ലൈസന്‍സ് ഉപയോഗിക്കാമെന്ന ഇളവും ഇനിയില്ല. പുതുക്കുന്നതു കാലാവധി കഴിഞ്ഞാണെങ്കില്‍ 1000 രൂപ പിഴയുമുണ്ട്. കാലാവധി കഴിഞ്ഞ് 5 വര്‍ഷം വരെ പിഴയടച്ചു പുതുക്കാമായിരുന്നത് ഒരു വര്‍ഷമായി ചുരുക്കി. അതു കഴിഞ്ഞാല്‍ വീണ്ടും െ്രെഡവിങ് ടെസ്റ്റിനു ഹാജരാകണം. ഇതു പ്രവാസികളെയാണ് ഏറ്റവും ബാധിക്കുക. അതേസമയം കാലാവധി തീരുന്നതിന് ഒരു മാസം മുന്‍പേ ലൈസന്‍സ് പുതുക്കാമായിരുന്നത് ഇനി ഒരു വര്‍ഷം മുന്‍പേ പുതുക്കാം. പുതുക്കുന്ന ലൈസന്‍സിന്റെ കാലാവധി 50 വയസ്സ് വരെയില്ല, ഇനി 40 വയസ്സ് വരെ മാത്രം. ട്രാന്‍സ്‌പോര്‍ട്ട് വാഹന ലൈസന്‍സ് കാലാവധി 3 വര്‍ഷമായിരുന്നത് 5 വര്‍ഷമാക്കി. ലൈസന്‍സ് പുതുക്കല്‍ സുഗമമാക്കാന്‍ നടപടികള്‍ പൂര്‍ണമായും ഓണ്‍ലൈന്‍ വഴിയാക്കുമെന്നും മോട്ടര്‍ വാഹന വകുപ്പ് അധികൃതര്‍ പറഞ്ഞു. പുതിയ നിയമം ബാധകമാക്കിയ ശേഷമുള്ള ആദ്യ 4 ദിവസം ഏറ്റവുമധികം പിഴ ഈടാക്കിയത് ഒഡീഷയില്‍ 88,90,107 രൂപ. ഹരിയാനയില്‍ 52,32, 650 രൂപ. ഭുവനേശ്വറില്‍ ഒരാഴ്ച മുന്‍പ് 25,000 രൂപയ്ക്കു വാങ്ങിയ സെക്കന്‍ഡ് ഹാന്‍ഡ് ഓട്ടോയില്‍ രേഖകളില്ലാതെ മദ്യപിച്ചു പോയ ആള്‍ക്കു പിഴ 47,500 രൂപ . ഹരിയാനയില്‍ 15,000 രൂപയ്ക്കു വാങ്ങിയ ഇരുചക്രവാഹനത്തില്‍ രേഖകളും ഹെല്‍മറ്റും ഇല്ലാതെ പോയതിനു കിട്ടിയത് 23,000 രൂപ പിഴ. സിഗ്‌നല്‍ ലംഘിക്കുകയും രേഖകളില്ലാതെ വാഹനം ഓടിക്കുകയും ചെയ്ത ഓട്ടോ െ്രെഡവര്‍ക്കു കിട്ടി 37,000 രൂപ പിഴ.

കേരളത്തില്‍ പൂര്‍ണമായും നാളെമുതലാണ് നിയമം നിലവില്‍ വരുന്നത്. ഇനിമുതല്‍ റോഡുനിയമം പാലിച്ചില്ലെങ്കില്‍ പോക്കറ്റ് കീറാതിരിക്കാന്‍ ഈ കാര്യങ്ങള്‍ ശ്രദ്ധിച്ചാല്‍ മതി.


രജിസ്‌ട്രേഷനില്ലാതെ വാഹന ഉപയോഗം: ആദ്യ തവണ 2000 5000 രൂപ പിഴ; രണ്ടാം തവണ ഒരു വര്‍ഷം വരെ തടവോ 500 10,000 രൂപ വരെയോ പിഴ........... രജിസ്‌ട്രേഷന് അപേക്ഷ നല്‍കാതിരുന്നാല്‍ (ഉടമ): വാര്‍ഷിക റോഡ് നികുതിയുടെ അഞ്ചിരട്ടിയോ ആജീവനാന്ത നികുതിയുടെ മൂന്നിലൊന്നോ (ഏതാണോ അധികം).........രജിസ്‌ട്രേഷന് അപേക്ഷിക്കാതിരുന്നാല്‍ (ഡീലര്‍): വാര്‍ഷിക റോഡ് നികുതിയുടെയോ ആജീവനാന്ത നികുതിയുടെയോ 15 ഇരട്ടി (ഏതാണോ അധികം)...........വാഹനത്തിന്റെ വശങ്ങളിലേക്കോ മുന്‍, പിന്‍ഭാഗങ്ങളിലേക്കോ ലോഡ് തള്ളിനിന്നാല്‍: 20,000 രൂപയും അധിക ലോഡ് ഇറക്കാനുള്ള ചെലവും..........ആംബുലന്‍സ് ഉള്‍പ്പെടെയുള്ള അടിയന്തര സര്‍വീസ് വാഹനങ്ങള്‍ക്ക് തടസ്സം: 10,000 രൂപയോ 6 മാസം വരെ തടവോ.........റോഡ് നിര്‍മാണത്തിലെ അപാകത അപകടകാരണമായാല്‍ ഒരു ലക്ഷം രൂപ വരെ..............നിര്‍മാണപ്പിഴവ്, അനധികൃത രൂപാന്തരവും വില്‍പനയും: ഒരു വര്‍ഷം വരെ തടവ് അല്ലെങ്കില്‍ ഒരു ലക്ഷം രൂപ വീതം പിഴ (നിര്‍മാതാക്കള്‍ക്ക്)...........വാഹനത്തിന് നിയമവിരുദ്ധ രൂപാന്തരം: ആറു മാസം വരെ തടവോ 5000 രൂപ വീതം പിഴയോ........ അതേസമയം ബംഗാള്‍, മധ്യപ്രദേശ്, പഞ്ചാബ്, തമിഴ്‌നാട്, രാജസ്ഥാന്‍, തെലങ്കാന സംസ്ഥാനങ്ങള്‍ നിയമം തല്‍ക്കാലം നടപ്പാക്കില്ലെന്നു പ്രഖ്യാപിച്ചു. കേന്ദ്രം നിയമം പാസാക്കിയെങ്കിലും ഓരോ സംസ്ഥാനവും വിജ്ഞാപനം ഇറക്കണം.