ശാസ്ത്രലോകം ഒന്നടങ്കം ഉറ്റുനോക്കുന്ന ചന്ദ്രയാൻ 2 ചന്ദ്രനെ തൊടാൻ ഇനി മണിക്കൂറുകൾ മാത്രമാണ് ബാക്കി നിൽക്കെ രൂക്ഷ വിമർശനവുമായി രംഗത്ത് വന്നിരിക്കുകയാണ്. ചന്ദ്രയാന്‍ 2 വിക്ഷേപണത്തിന് കേന്ദ്രസര്‍ക്കാര്‍ അമിതപ്രാധാന്യം നല്‍കുന്നത് സാമ്ബത്തികതകര്‍ച്ചയില്‍ നിന്ന് രാജ്യത്തിന്‍റെ ശ്രദ്ധ തിരിക്കാനാണെന്ന് ആരോപണവുമായാണ് തൃണമൂല്‍ കോണ്‍ഗ്രസ് നേതാവ് മമതാ ബാനര്‍ജി രംഗത്ത് എത്തിയിരിക്കുന്നത്. ഇതിനു മുമ്ബ് ചന്ദ്രയാന്‍ വിക്ഷേപിച്ചിട്ടേയില്ലാത്തതു പോലെയാണ് മോദി സര്‍ക്കാരിന്‍റെ നടപടികളെന്നും മമത രൂക്ഷമായി കുറ്റപ്പെടുത്തി.

അതോടൊപ്പം തന്നെ 'രാജ്യത്താദ്യമായാണ് ചന്ദ്രയാന്‍ വിക്ഷേപിക്കുന്നത് എന്നതുപോലെയാണ് സര്‍ക്കാരിന്‍റെ നീക്കങ്ങള്‍, അവര്‍ അധികാരത്തിലെത്തുന്നതിനു മുമ്ബ് ഇത്തരം ദൗത്യങ്ങളൊന്നും നടന്നിട്ടേയില്ലാത്തതു പോലെയാണ് പ്രചാരണം നടത്തുന്നതെന്നും മമത രൂക്ഷമായി വിമർശിച്ചു. ഇതെല്ലാം രാജ്യത്തെ സാമ്ബത്തിക തകര്‍ച്ചയില്‍ നിന്ന് ജനങ്ങളുടെ ശ്രദ്ധ തിരിക്കാനുള്ള തന്ത്രമാണെന്നാണ് മമതാ ബാനര്‍ജി വ്യക്തമാക്കിയത്. പശ്ചിമബംഗാള്‍ നിയമസഭയില്‍ സംസാരിക്കവേയാണ് മുഖ്യമന്ത്രി കേന്ദ്രസര്‍ക്കാരിനെതിരെ രംഗത്ത് എത്തിയത് തന്നെ.

എന്നാൽ ഇത്തരം വിമർശനം അതും ഇന്ത്യയിൽ നിന്നും തന്നെ എത്തുന്നത് രാജ്യത്തിന് ആകമാനം തെറ്റായ ചിന്തയാണ് ഉളവാക്കുന്നത്. ഇതിന്റെ പേരിൽ മിക്ക നേതാക്കളും മമ്‌തയ്‌ക്കെതിരെ രംഗത്ത് വന്നിരിക്കുകയാണ്.