ചന്ദ്രയാന്‍2 ദൗത്യവുമായി ബന്ധപ്പെട്ട വിഷയത്തില്‍ പ്രധാനമന്ത്രി നരേന്ദ്രമോദി ഇന്ന് രാവിലെ എട്ടിന് രാജ്യത്തെ അഭിസംബോധന ചെയ്യും. 2.100 കിലോമീറ്റര്‍ ഉയരത്തില്‍ ചന്ദ്രയാന്‍ രണ്ടിന്റെ നിയന്ത്രണം ഏകോപിപ്പിക്കുന്ന ബംഗളൂരുവിലെ ഐഎസ്ആര്‍ഒ കേന്ദ്രത്തിന് ലാന്‍ഡറുമായി ബന്ധം നഷ്ടപ്പെടുകയായിരുന്നു. ചന്ദ്രയാന്‍ 2 ദൗത്യം ചന്ദ്രനില്‍ സോഫ്റ്റ് ലാന്‍ഡിംഗ് നടത്തുക എന്ന ലക്ഷ്യത്തിന്റെ അവസാന ഘട്ടം വരെയെത്തിയെങ്കിലും തുടര്‍ന്ന് സിഗ്‌നല്‍ ബന്ധം നഷ്ടപ്പെട്ടിരുന്നു. ചന്ദ്രനു ലാന്‍ഡറുമായുള്ള സിഗ്‌നല്‍ ബന്ധം നഷ്ടപ്പെട്ടതോടെ നിരാശയിലായ ശാസ്ത്രജ്ഞര്‍ക്ക് ആത്മവിശ്വാസം പകര്‍ന്ന് പ്രധാനമന്ത്രി രംഗത്തെത്തിയിരുന്നു. രാജ്യം നിങ്ങളെ ഓര്‍ത്ത് അഭിമാനിക്കുന്നുവെന്നും അദ്ദേഹം പറഞ്ഞു